Гомель прыняў эстафету «Полымя мiру»
- Апублікавана 05.06.2019 20:02
«Полымя мiру» II Еўрапейскіх гульняў прыбыло ў Гомель 5 чэрвеня 2019 года.
Святочная сустрэча «Полымя мiру» адбылася на пляцоўцы каля Лядовага Палаца.
Затым знакамітыя спартсмены, дзеячы культуры і мастацтваў г. Гомеля пранеслі факел ад Лядовага палаца да плошчы Леніна, на якой першы дзень эстафеты завяршыўся маштабным канцэртам.
Беларускі дзяржаўны універсітэт транспарту актыўна падтрымаў акцыю «Полымя мiру». Супрацоўнікі, выкладчыкі, студэнты на чале з кіраўніцтвам універсітэта сустракалі факеланосцаў на вул. Савецкай і на плошчы Леніна.
Студэнты шасці факультэтаў адчулі сваё дачыненне да сапраўды гістарычнай падзеі.
Фатаграфіі на памяць з Веранікай Пляшкевіч, якая непасрэдна ўдзельнічала ў эстафеце
80 студэнтак нашага універсітэта разам з дзяўчатамі з Гомельскага дзяржаўнага ўніверсітэта ім. Ф. Скарыны сталі ўдзельнікамі танцавальных нумароў.
Яркія элементы масавых кампазіцый, пастаноўшчыкам якіх была кіраўнік народнага ансамбля танца «Палескія зоры» Ганна Забела, стварылі той спартыўны, святочны настрой, які разам з Факелам перадаецца па маршруце эстафеты «Полымя мiру».
Эстафета агня «Полымя мiру» перададзена!
Нашли ошибку? Выделите ее и нажмите Ctrl-Enter