Урачыстыя падзеі ў дзень вызвалення горада Гомеля
- Апублікавана 26.11.2025 16:57
У гэты знамянальны для Гомеля дзень кіраўніцтва ўніверсітэта, грамадскіх арганізацый, факультэтаў і студэнты БелДУТ сталі ўдзельнікамі ўрачыстай цырымоніі адкрыцця помніка легендарнаму маршалу, двойчы Герою Савецкага Саюза Канстанціну Канстанцінавічу Ракасоўскаму.
Менавіта пад яго камандаваннем войскі Беларускага фронту правялі паспяховую аперацыю» «Баграціён», у выніку якой 26 лістапада 1943 года быў вызвалены Гомель.
Курсанты ваенна-транспартнага факультэта БелДУТ прымалі самы непасрэдны ўдзел у адкрыцці помніка!
БелДУТ аддаў даніну павагі палкаводчаму таленту і мужнасці савецкіх воінаў. Гэта падзея стала для студэнтаў жывым урокам гісторыі, які нагадаў пра вялікі подзвіг нашых дзядоў і прадзедаў.
Далей увага ўсіх прысутных была прыкаваная да маштабнага параду, які ўзяў старт на плошчы Паўстання і далей прайшоў па праспекце Перамогі. Сучасная баявая тэхніка і ўрачысты марш вайскоўцаў і курсантаў розных навучальных устаноў горада выклікалі пачуццё гонару за моц і сілу нашай краіны.
- Асаблівай увагі заслугоўваюць Знаменная група Роты ганаровай варты і парадныя каробкі вайскоўцаў Беларускага дзяржаўнага ўніверсітэта транспарту! - кажуць студэнты і выкладчыкі нашага ўніверсітэта.
Намеснік дэкана будаўнічага факультэта па ІВР
Банздюк М.В.
Фота Алены Белавус
і Міхаіла Каранкевіча
(прэс-служба)