Агульная інфармацыя
- Опубликовано: 20.02.2019 14:43
Кафедра «Графіка» з'яўляецца базавай, агульнаiнжынернай.
Асноўнай задачай кафедры з'яўляецца інжынерна-графічная падрыхтоўка спецыялістаў па ўсіх інжынерных спецыяльнасцях усіх факультэтаў, а таксама навучанне асновам машынабудаўнічага чарчэння на факультэце прафарыентацыі і давузаўскай падрыхтоўкі.
Здаўна склалася вызначэнне, што «Чарцёж – мова тэхнікі» і без авалодання ёй немагчыма пісьменна не толькі праектаваць збудаванні і тэхналогію вытворчых працэсаў, але і ператвараць iснуючыя праекты ў жыццё. Акрамя таго, дысцыпліны кафедры духоўна ўзбагачаюць чалавека, дазваляюць яму паўней і глыбей зразумець навакольную рэчаіснасць.
У цяперашні час кафедра мае кабінеты, якія абсталяваны сталамі для чарчэння, кульманамi, дэманстрацыйнымі мадэлямі і плакатамі, тэматычнымі стэндамі. Заняткі па машыннай графіцы праводзяцца ў 3 камп'ютэрных класах вылічальнага цэнтра БелДУТа на персанальных ЭВМ найноўшых мадэляў.
![]() |
![]() |
Штогод кафедрай арганізуюцца алімпіяды па начартальнай геаметрыі, трохмернаму мадэляванню. Па выніках алімпіяды па начартальнай геаметрыі штогод фарміруецца каманда найбольш таленавітых студэнтаў для ўдзелу ў рэспубліканскай алімпіядзе ў БНТУ (г. Мінск). Алімпіяда па тэхналогіях трохмернага мадэлявання дазваляе выявіць найбольш таленавітых студэнтаў і рэкамендаваць іх выпускаючым кафедрам для навуковай работы.
![]() |
![]() |
Усе выкладчыкі кафедры актыўна кіруюць навукова-даследчай работай студэнтаў, вынікі якой штогод дакладваюцца на студэнцкіх навукова-тэхнічных канферэнцыях. Лепшыя даклады публікуюцца ў зборніках студэнцкіх навуковых работ БелДУТа і ўдзельнічаюць у рэспубліканскіх конкурсах студэнцкіх навуковых работ.
Калектыў кафедры «Графіка» у цяперашні час складаецца, у асноўным, з творча думаючых людзей, здольных вырашаць задачы па ўдасканаленні адукацыйнага працэсу і выхаванню будучых спецыялістаў.
Нашли ошибку? Выделите ее и нажмите Ctrl-Enter