IV рэспубліканскі злёт педагагічных студэнцкіх атрадаў

Опубликовано: 01.11.2024 12:20

• Студенческая жизнь
• БРСМ
• Механический
• студотряды

З 25 па 27 кастрычніка 2024 года ў горадзе Мінску адбыўся IV рэспубліканскі злёт педагагічных студэнцкіх атрадаў, прысвечаны 40-годдзю іх заснавання.

Удзельнікамі трохдзённага злёту сталі больш за 300 важатых, як з Беларусі, так і з Расіі. Гэтыя дні былі напоўнены яркімі ўражаннямі і незабыўнымі момантамі. Інтэрактыўныя пляцоўкі, арганізаваныя для байцоў і гасцей, дазволілі кожнаму даведацца шмат новага і займальнага аб дзейнасці БСА.

Удзельнікі мелі магчымасць не толькі абмяняцца вопытам і ідэямі, але і пагрузіцца ў атмасферу дружбы. У рамках Злёту прайшлі майстар-класы, творчыя фестывалі, лекцыі і спартыўныя спаборніцтвы, якія спрыялі згуртаванню каманд, а таксама духмянымі спеўкамі з гітарамі ля вогнішча.

Ад нашага ўніверсітэта ў якасці арганізатара быў накіраваны Шуй Максім, студэнт чацвёртага курса механічнага факультэта спецыяльнасці «Рухомы састаў чыгуначнага транспарту (Вагоны)».

– IV рэспубліканскі злёт педагагічных студэнцкіх атрадаў стаў для мяне сапраўдным адкрыццём і натхненнем. Удзел у гэтым значным мерапрыемстве дазволіў не толькі пагрузіцца ў атмасферу адзінства і дружбы, але і здабыць мноства новых ведаў і ўменняў, якія, безумоўна, спатрэбяцца ў будучыні. У ліку арганізатараў злёту была магчымасць убачыць, як усе элементы мерапрыемства складваюцца ў адзінае цэлае. Гэта дало мне новыя навыкі арганізацыі і кіравання праектамі, і я ў дадатак зразумеў, што мая актыўная пазіцыя і ініцыятыўнасць могуць прыносіць карысць не толькі мне, але і ўсёй камандзе, - падзяліўся Максім.