Валанцёрства
- Опубликовано: 20.12.2019 15:53
Валанцёрства - так называецца рух, у якi з кожным годам залучаецца ўсё больш і больш людзей. Валанцёры - гэта людзі, якія добраахвотна аказваюць дапамогу тым, хто ў гэтым мае патрэбу.
Валанцёрства шырока развіта ў свеце і з кожным годам прыцягвае ўсё больш прыхільнікаў. Валанцёр - не толькі пакліканне, але і лад жыцця, магчымасць рэалізаваць сябе з новага боку, праявіць свае таленты і здольнасці, атрымаць карысныя веды, але галоўнае - атрымаць магчымасць змяніць да лепшага жыццё таго, хто ў гэтым мае патрэбу.
Валанцёрства мае вялікую колькасць напрамкаў: дапамога дзецям, якія жывуць у дзіцячых дамах, інвалідам і ветэранам, дапамога ў пошуку зніклых людзей, уборцы пахаванняў, прапагандзе здаровага ладу жыцця і многае-многае іншае. Новымі напрамкамі для валанцёраў БелДУТа з'яўляюцца прафарыентацыйная работа і ўдзел у перапісе насельніцтва 2019 года.
Валанцёры БелДУТа шэфствуюць над шэрагам устаноў:
- Гомельскі дом-інтэрнат для дзяцей інвалідаў і маладых інвалідаў з асаблівасцямі псіха-фізічнага развіцця,
- Гомельскі абласны дом дзіцяці для дзяцей з паражэннем цэнтральнай нервовай сістэмы і парушэннем псіхікі,
- Кабінет дзіцячай паліятыўнай дапамогі Дзяржаўнай установы аховы здароўя «Гомельская цэнтральная гарадская дзіцячая паліклініка»,
- Гомельская абласная дзіцячая клінічная бальніца медыцынскай рэабілітацыі,
- Гомельскі гарадскі сацыяльна-педагагічны цэнтр,
- Гомельскі дзіцячы дом,
- Аддзяленне дзённага і кругласутачнага знаходжання пры тэрытарыяльным цэнтры сацыяльнага абслугоўвання насельніцтва Чыгуначнага раёна г. Гомеля,
- Дзяржаўная ўстанова адукацыі «Дапаможная школа - інтэрнат №5 г. Гомеля»,
- Улукаўская дапаможная школа-інтэрнат;
- Дом дзіцяці пры папраўчай калоніі №4 г. Гомеля;
- Гомельскі гарадскі цэнтр карэкцыйна-развіваючага навучання і рэабілітацыі.
Акрамя таго, з 2002 года навучэнцы i супрацоўнікі ўніверсітэта займаюцца добраўпарадкаваннем мемарыяльных комплексаў, помнікаў, абеліскаў, брацкіх магіл, асобных пахаванняў воінаў, партызан, падпольшчыкаў, увекавечваюць памяць аб загінуўшых у гады Вялікай Айчыннай вайны і тэрыторый, прылеглых да іх: па вул. Барыкіна ў г. Гомелі, у в. Бацунь Буда-Кашалёўскага раёна, у в. Шарсцін, в. Навасёлкі і в. Юркавічы Веткаўскага раёна, у в. Харошаўка, в. Карма, в. Агародня Добрушскага раёна, у в. Дзятлавічы Гомельскага раёна, у в. Борхаў Рэчыцкага раёна.
Валанцёрскія атрады ёсць як на факультэтах, так і пры грамадскіх арганізацыях БелДУТа (ПА ГА «БРСМ» і прафсаюзным камітэце студэнтаў).
