Правілы прадстаўлення артыкулаў
Навуковы артыкул у зборніку «Праблемы перспектыўнага развіцця чыгуначных станцый і вузлоў» павінен адлюстроўваць вынікі ўласных даследаванняў, абагульнення практычнага досведу ці сістэмны аналітычны агляд матэрыялу ў некаторай канкрэтнай галіне праектавання інфраструктуры паасобных пунктаў. Работа павінна быць перададзена ў лічбавым выглядзе на адрас электроннай пошты Этот адрес электронной почты защищён от спам-ботов. У вас должен быть включен JavaScript для просмотра. адказнага сакратара рэдакцыі зборніка прац з указаннем у полі «Тэма» прызначэння дасылаемага матэрыялу «У зборнік Праўдзіна».
Фармат паперы - А5, міжрадковы інтэрвал - адзінарны. Старонкі павінны мець палі: верхняе -1,7 см, левае і правае - па 1,6 см, ніжняе – 2,1 см. Тэкст артыкула друкуецца шрыфтам Times New Roman, памер – 10 пт (у табліцах – 9, у падрадковых зносках – 8), выраўноўванне - па шырыні. Водступ пачатку кожнага абзаца складае 0,5 см.
Інфармацыя, якая папярэднічае артыкулу, уключае:
- УДК;
- ініцыялы, прозвішчы і месцы працы аўтараў (з пропускам вольнага радку пасля УДК), вялікім курсівам;
- адрас электроннай пошты;
- назва артыкула (з пропускам вольнага радку пасля адраса электроннай пошты, тлустым вялікім шрыфтам);
- кароткую анатацыю.
Памер шрыфта 9 пт.
Варта звярнуць увагу на сэнсавы змест анатацыі, якая з'яўляецца асновай для аўтаматызаваных сістэм інфармацыйнага пошуку ў сетцы Інтэрнэт. Таму анатацыя павінна дакладна адлюстроўваць змест навуковага артыкулу, каб па ёй чытач змог атрымаць правільнае ўяўленне аб сутнасці і атрыманых выніках аўтарскай працы. У тэксце анатацыі варта ўжываць сінтаксічныя словазлучэнні, уласцівыя мове навуковых і тэхнічных дакументаў, пазбягаць складаных граматычных канструкцый, выкарыстоўваць істотныя словы з тэксту артыкула. Анатацыя да артыкула павінна быць інфарматыўнай, не ўтрымліваць гістарычных даведак, апісанняў раней апублікаваных работ, агульнавядомых для спецыялістаў палажэнняў, дубляваць тэкст самога артыкула. Аб’ём анатацыі - не больш за 150 слоў.
Прыклад афармлення усяго тэкставага блока, які папярэднічае артыкулу, прыведзены ніжэй. Тэкст артыкула пачынаецца пасля анатацыі з пропускам вольнага радку. Матэрыял артыкула павінен змяшчаць кароткі ўступ, які прысвячае чытача ў выкладаную праблемную галіну, асноўную частку і заключэнне. Усе тры пазіцыі не вылучаюцца загалоўкамі, але павінны дакладна прасочвацца па змесце.
![11](/images/MainMenuFiles/NauchnyeIssledovaniya/Nauchnye_izdaniya/zd_stancii_uzly/11.jpg)
Малюнкі ў артыкуле павінны быць перададзены па электроннай пошце асобнымі файламі ў фармаце .jpg. Дапушчальна выконваць ілюстрацыі да артыкула ў каляровым выглядзе, але без паўтонаў. Выключэнне складаюць каляровыя фатаграфіі добрай якасці, якія таксама могуць выкарыстоўвацца для ілюстрацый у артыкуле. У чорна-белым выглядзе усе малюнкі павінны быць строга кантрасныя без выкарыстання шэрага колеру. Дадзенае патрабаванне тычыцца таксама тэкставых блокаў ў малюнках, якія павінны друкавацца шрыфтам Times New Roman. Складаныя малюнкі з вялікай колькасцю тэкставай інфармацыі (структурныя і блок-схемы алгарытмаў) неабходна дасылаць не толькі ў растравым фармаце .jpg, але і ў якім-небудзь вектарным для магчымага наступнага рэдактавання (.crd, .ppt, .vsd) без дадатковай перапіскі з аўтарам.
Формулы павінны набірацца з выкарыстаннем убудаванага модуля Word Equation або з выкарыстаннем іншых сродкаў, якія забяспечваюць доступ да іх рэдагавання ў любых версіях тэкставага рэдактару. Асабліва варта звярнуць увагу на выкарыстанне пераменных з ніжнімі або верхнімі індэксамі (у тым ліку і ў тэкставых блоках малюнкаў), якія павінны быць напісаныя ў строгай адпаведнасці з прынятымі патрабаваннямі (правільныя індэксы з выразным пазіцыянаваннем адносна самой пераменнай, лацінка – курсівам, рускія і грэцкія сімвалы – прама, суразмернасць тэксту і матэматычных сімвалаў сумы, здабытку, квадратнага кораня, звычайнай дробу, інтэграла і інш.).
Аб’ём навуковага артыкула павінен быць не менш за 0,35 д. л. (5-6 старонак тэксту па патрабаваннях гэтага зборніка).
Завяршаецца навуковы артыкул спісам выкарыстанай літаратуры (шрыфт – Times New Roman, памер – 9 пт) у строгай адпаведнасці з ДАСТ Р 7.05-2008. Пасля бібліяграфічнага спісу і пропуску вольнага радку ідзе інфармацыйны блок на англійскай мове (ініцыялы і прозвішча аўтара, месца працы, адрас электроннай пошты, назва артыкула, анатацыя). Далей паказваецца дата атрымання рэдакцыяй артыкула ад аўтара (шрыфт – Times New Roman, памер -8 пт з пропускам вольнага радку пасля анатацыі на англійскай мове).
Прыклад афармлення інфармацыйнага блока, які завяршае артыкул, прыведзены ніжэй.
![12](/images/MainMenuFiles/NauchnyeIssledovaniya/Nauchnye_izdaniya/zd_stancii_uzly/12.jpg)
Спампаваць правілы афармлення рукапісаў артыкулаў (дакладаў) у зборнік