За маладымі навукоўцамі – будучыня! З Днём навукі!

Апублікавана 25.01.2024 09:20

Дзень беларускай навукі – значнае свята для ўсіх, хто прысвячае сваё жыццё навуковай дзейнасці, стварэнню новых тэхналогій і інавацый.

Навука ў Беларускім дзяржаўным універсітэце транспарту мае багатую гісторыю, свае традыцыі. Яе вынікі высока цэняцца не толькі ў Беларусі, але і за мяжой. Навукоўцы нашага ўніверсітэта ўносяць значны ўклад у развіццё многіх галін эканомікі.

Асаблівую ролю ў развіцці беларускай навукі выконваюць маладыя навукоўцы. Савет маладых навукоўцаў падтрымлівае і матывуе іх на прафесійны рост, дае магчымасці для рэалізацыі творчага патэнцыялу, спрыяе развіццю міждысцыплінарных сувязяў з навуковай супольнасцю іншых устаноў вышэйшай адукацыі і навуковых арганізацый.

За маладымі навукоўцамі – будучыня. Іх праца, самааддача і дасягненні натхняюць студэнтаў і магістрантаў на навуковую дзейнасць. Не спыняйцеся на дасягнутым! Жадаю вам новых адкрыццяў і творчых поспехаў!

Са святам, калегі!

Старшыня Савета маладых вучоных

Міхаіл Страдомскі