Дэкан механічнага факультэта

putsyato by

Пуцята Артур Уладзіміравіч 

Телефон+375 232 31-95-31
Телефон+375 232 95-21-93
е-mail: putsiata.artur@gmail.com
е-mail: mehan@bsut.by
Вучоная ступень: доктар тэхнічных навук
Вучонае званне: дацэнт

 

Механічны факультэт - адзін з найстарэйшых факультэтаў БелДУТа. З 1953 г. выпускаючымi кафедрамі факультэта падрыхтавана больш за 8000 маладых спецыялістаў, якія пасля сталі вядомымі навукоўцамі, буйнымі кіраўнікамі прадпрыемстваў і арганізацый, органаў кіравання самага рознага рангу не толькі ў Рэспубліцы Беларусь, але і за яе межамі.

Студэнты нашага факультэта, дзякуючы працы вопытных і высокакваліфікаваных выкладчыкаў, маюць усе магчымасці атрымліваць грунтоўныя веды па агульнаадукацыйных і спецыяльных дысцыплінах, займацца навукова-даследчай, грамадскай, культурнай і спартыўнай дзейнасцю.

Факультэт мае сучасную матэрыяльна-тэхнічную базу, у якую ўваходзяць спецыялізаваныя лабараторыі, аснашчоныя мадэлямі і машынамі, выпрабавальнымі стэндамі і абсталяваннем, а таксама сучаснымі праграмнымі комплексамі і прыладамі. Для павышэння эфектыўнасці і якасці падрыхтоўкі спецыялістаў, вывучэння новых канструкцый тэхнікі, а таксама сучасных вытворчых тэхналогій створаны філіялы кафедраў на прадпрыемствах Беларускай чыгункі і інш.

На механічным факультэце ўкаранёна сістэма пошуку, развіцця і станаўлення творчых асоб. Найбольш таленавітыя студэнты замацоўваюцца за навуковымі кіраўнікамі з ліку прафесарска-выкладчыцкага складу, сумяшчаючы вучэбна-пазнавальную дзейнасць з навукова-даследчай. Студэнтам, які паказвае высокія вынікі, прызначаюцца імянныя стыпендыі, ўсталёўваюцца грашовыя надбаўкі. Таленавітыя маладыя людзі маюць магчымасць працягваць навучанне ў магістратуры і аспірантуры.

Таксама студэнты маюць магчымасць паралельна асноўнай вучобе прайсці курс ваеннай падрыхтоўкі па праграме малодшых камандзіраў і афіцэраў запасу пры ваенна-транспартным факультэце ўніверсітэта.

Безумоўна, выпускнікі нашага факультэта заўсёды запатрабаваныя і накіроўваюцца для працы на прадпрыемствы Беларускай чыгункі і іншыя прадпрыемствы прамысловага комплексу Рэспублікі Беларусь.

Нашли ошибку? Выделите ее и нажмите Ctrl-Enter