Электратэхнічны факультэт

Універсітэтам вядзецца паслядоўная праца па прывядзенні назвы спецыяльнасцяў агульнай вышэйшай, паглыбленай вышэйшай і спецыяльнай вышэйшай адукацыі ў адпаведнасць з агульнадзяржаўным класіфікатарам Рэспублікі Беларусь АКРБ 011-2022 "Спецыяльнасці і кваліфікацыі".

Матэрыял у стане абнаўлення. Просім прабачэння за магчымыя нязручнасці.

Сёння электратэхнічны факультэт ажыццяўляе падрыхтоўку высокакваліфікаваных інжынераў-электрыкаў па спецыяльнасці 1-37-02-04 «Аўтаматыка, тэлемеханіка і сувязь на чыгуначным транспарце».

Па спецыяльнасці 1-37-02-04 «Аўтаматыка, тэлемеханіка і сувязь на чыгуначным транспарце» прадугледжаны наступныя спецыялізацыі:

• 1-37 02 04 01 «Аўтаматыка і тэлемеханіка»;
• 1-37 02 04 02 «Сістэмы перадачы і размеркавання інфармацыі»;
• 1-37 02 04 03 «Мікрапрацэсарныя інфармацыйна-кіраўнічыя сістэмы».

На факультэце ажыццяўляецца падрыхтоўка інжынераў, магістраў, аспірантаў і дактарантаў. За час існавання факультэта з 1970 года падрыхтавана звыш 3700 маладых спецыялістаў па дзённай форме навучання, якія плённа працуюць у розных галінах народнай гаспадаркі не толькі Рэспублікі Беларусь, але і за яе межамі.

На кафедрах «Вышэйшая матэматыка» и «Электратэхніка» студэнты як электратэхнічнага, так і іншых факультэтаў універсітэта атрымліваюць базавую падрыхтоўку па адпаведных раздзелах вышэйшай матэматыкі і электратэхнікі. Выпускаючыя кафедры «Аўтаматыка, тэлемеханіка і сувязь» і «Інфармацыйна-кіраўнічыя сістэмы і тэхналогіі» вядуць спецыяльныя курсы і дыпломнае праектаванне адпаведна спецыялізацыях. Студэнты навучаюцца гэтак жа на кафедрах, якія ўваходзяць у склад іншых факультэтаў універсітэта, атрымліваючы фундаментальную падрыхтоўку па сучасных інфармацыйных тэхналогіях, фізіцы і тэарэтычнай механіцы, вывучаюць замежныя мовы, сучасныя эканамічныя навукі, філасофію, гісторыю.

Штат Беларускай чыгункі камплектуецца ў асноўным выпускнікамі нашага факультэта.

З укараненнем на чыгунцы камп'ютэрных тэхналогій кіравання на спецыялістаў службы сігналізацыі і сувязі ўскладаецца адказнасць за безадмоўнае функцыянаванне праграмна-апаратных комплексаў і аўтаматызаваных рабочых месцаў на базе персанальных кампутараў, якія працуюць як аўтаномна, так і ў лакальных інфармацыйных і карпаратыўных глабальных сетках.

Таму пры падрыхтоўцы студэнтаў шмат увагі надаецца вывучэнню асноў інфармацыйнай і мікрапрацэсарнай тэхнікі, праграмна-матэматычнага забеспячэння, атрыманню навыкаў працы з сучаснымі інструментальнымі сродкамі праграмавання.

Факультэт мае сучасную матэрыяльна-тэхнічную базу, у якую ўваходзяць спецыялізаваныя лабараторыі, абсталяваныя выпрабавальнымі стэндамі i трэнажорамі.

Асноўнымі напрамкамі навуковых даследаванняў факультэта з'яўляюцца:

• распрацоўка камп'ютэрных і мікрапрацэсарных сістэм чыгуначнай аўтаматыкі, тэлемеханікі і сувязі;
• тэлекамунікацыйныя сістэмы і тэхналогіі;
• распрацоўка камп'ютэрных інфармацыйных сетак і мікрапрацэсарных прылад у сістэмах кіравання тэхналагічнымі працэсамі.

Студэнты нашага факультэта могуць прайсці курс падрыхтоўкі малодшых камандзіраў і афіцэраў запасу на ваеннай кафедры ваенна-транспартнага факультэта з прысваеннем воінскага афіцэрскага звання.

Нароўні з навучаннем на факультэце эфектыўна праводзіцца работа па духоўнаму развіццю выкладчыкаў і студэнцкай моладзі.

Студэнты факультэта актыўна ўдзельнічаюць у мастацкай самадзейнасці універсітэта.

Яны неаднаразова станавіліся пераможцамі універсітэцкіх конкурсаў: «Давайце пазнаёмімся», «Запрашальны білет», турніру «За прыгожых дам», заснаванага выпускніком факультэта Г. Фiглiным.

У 2001 г. нашы студэнты сталі ініцыятарамі і арганізатарамі інтэлектуальнай гульні «Што? Дзе? Калі? », якая адразу стала вельмі папулярная сярод універсітэцкай моладзі.

Вялікая ўвага на факультэце, надаецца фізічнаму выхаванню і спорту. За час існавання электратэхнічнага факультэта падрыхтавана 8 майстроў спорту, 73 кандыдата ў майстры спорту, 327 студэнтаў факультэта атрымалі 1 разрад.

Па заканчэнні навучання і абароны дыпломных праектаў выпускнікам трох спецыялізацый прысвойваецца прафесійная кваліфікацыя інжынер-электрык.

Сярэдні ўзрост выкладчыкаў складае 47,1 года. Сярэдні ўзрост выкладчыкаў, якія маюць навуковую ступень, складае 54,5 года.

Маюць навуковую ступень 57,5% выкладчыкаў факультэта.