Сістэмы забеспячэння руху цягнікоў (тэлекамунікацыйныя сістэмы і сеткі)

Спецыяльнасць 6-05-0715-09 «Сістэмы забеспячэння руху цягнікоў»

Прафiлізацыя «Тэлекамунікацыйныя сістэмы і сеткі»

ДЗЁННАЯ ФОРМА НАВУЧАННЯ

Выпускнікі прафiлізацыі «Тэлекамунікацыйныя сістэмы і сеткі» валодаюць навыкамі праектавання, эксплуатацыі і тэхнічнага абслугоўвання сетак сувязі агульнага карыстання (гарадскіх, міжгародніх), а таксама спецыялізаваных правадных і радыё - сетак і сістэм, сотавых і лакальных камп’ютэрных сетак, сістэм відэаназірання, спадарожнікавага маніторынгу рухомага саставу і інфраструктуры транспартных прадпрыемстваў, вырашэння пытанняў іх інфармацыйнай бяспекі. Інжынер з дыпломам па прафiлізацыі «Тэлекамунікацыйныя сістэмы і сеткі» ўмее праектаваць і адміністраваць лакальныя сеткі, арганізаваць працу з аўтаматызаванымі сістэмамі кіравання базамі дадзеных, можа праграмаваць на мовах C++ і Java, знаёмы з тэхналогіяй радыё - і спадарожнікавай сувязі, метадамі і сродкамі абароны інфармацыі.

Выпускнікі прафiлізацыі «Тэлекамунікацыйныя сістэмы і сеткі» запатрабаваныя не толькі ў транспартнай галіне, дзе працуюць з сучасным абсталяваннем аўтаматыкі, тэлемеханікі і сувязі, але таксама размяркоўваюцца ў тэлекамунікацыйныя кампаніі (РУП сувязі «Белтэлекам», А1, Мабільныя Тэлесістэмы) і IT-сферу (EPAM Systems, IBA, Intervale) і інш.

Выпускаючая кафедра «Аўтаматыка, тэлемеханіка і сувязь».