Транспарт будучыні 2021

Апублікавана 19.10.2020 14:39

Запрашаем узяць удзел ва ўніверсітэцкім конкурсе «Транспарт будучыні».

Універсітэцкі конкурс «Транспарт будучыні» праводзіцца установай адукацыі «Беларускі дзяржаўны ўніверсітэт транспарту» пры падтрымцы Міністэрства транспарту і камунікацый Рэспублікі Беларусь з мэтай актывізацыі навукова-даследчай дзейнасці навучэнцаў і студэнтаў, і стварэння ўмоваў для рэалізацыі творчага патэнцыялу моладзі.

АСНОЎНЫМІ ЗАДАЧАМІ КОНКУРСУ З’ЯЎЛЯЮЦЦА

• прадастаўленне магчымасці ўдзельнікам рэалізаваць творчы патэнцыял шляхам распрацоўкі звязаных з транспартам праектаў, атрымаць іх ацэнку з боку прафесійнай і навуковай супольнасці;
• стварэнне ўмоваў для ўстойлівага прафесійнага развіцця моладзі і папулярызацыі транспартных спецыяльнасцяў;
• выяўленне найбольш таленавітых прадстаўнікоў студэнцкай моладзі, якія маюць цікавасць да інжынернай працы і інавацыйнай дзейнасці, стварэнне ўмоваў для падтрымкі іхняй навукова-тэхнічнай дзейнасці і атрымання інжынернай адукацыі.

КОНКУРС ПРАВОДЗІЦЦА ПА ДВУХ ВІДАХ КОНКУРСНЫХ РАБОТ

• дзеючых мадэляў, макетаў, узораў прапанаванай новай тэхнікі або тэхналагічных працэсаў, звязаных з транспартам (від конкурсу: «Дзеючыя мадэлі і макеты»);
• у форме конкурсу пісьмовых праектаў на тэму ўдасканалення транспартнай тэхнікі і тэхналогій, якія маюць характар інавацыйных прапаноў (від конкурсу: «Праектныя работы»).

Удзельнікі могуць браць удзел у адным з відаў конкурсу па свайму выбару або адначасова ў абодвух з іх, пры гэтым атрыманыя вынікі не сумуюцца і не ўплываюць на вызначэнне пераможцаў.