Бiблiяноч-2020 у Гомельскай абласной універсальнай бібліятэцы імя Леніна

Апублікавана 17.09.2020 08:54

15 верасня 2020 года студэнты факультэта навучання замежных грамадзян з Кітая і Туркменістана ў суправаджэнні куратараў наведалі Бiблiяноч-2020 у Гомельскай абласной універсальнай бібліятэцы імя Леніна.

Замежныя студэнты прынялі актыўны ўдзел у літаратурнай віктарыне «З павагай да класікаў» (у Мемарыяльнай зале А. Макаёнка). Вялікае ўражанне ў студэнтаў выклiкала выстава Музея рэдкай кнігі і гісторыі грашовых знакаў. У фае бібліятэкі гучалі вершы С. Ясеніна. Кітайскія студэнткі з вялікім задавальненнем выраблялі арыгамі-сувеніры. Цёплая і сяброўская абстаноўка літаратурнага мерапрыемства дапамагла замежным студэнтам адчуць сябе як дома ў нашым гасцінным горадзе.