Дзень настаўніка ў Палацы Рэспублікі
- Апублікавана 30.09.2022 09:11
Урачысты сход і святочны канцэрт, прысвечаныя Дню настаўніка, адбыліся ў Мінску ў Палацы Рэспублікі.
Дзякуючы садзейнічанню кіраўніцтва і прафсаюзнай арганізацыі, у складзе дэлегацыі Гомельскай вобласці ў сталіцу прыбылі і прадстаўнікі нашага ўніверсітэта.
У іх ліку – адказныя за выхаваўчую работу на факультэтах, выхавальнікі студэнцкіх інтэрнатаў, прафесарска-выкладчыцкі састаў, прадстаўнікі савета маладых вучоных і рэктарата.
Мерапрыемства адкрыў намеснік прэм'ер-міністра Ігар Петрышэнка, зачытаўшы Віншавальны зварот ад Прэзідэнта краіны Аляксандра Лукашэнкі, акрамя таго, у адрас педагогаў прагучалі цёплыя словы ад міністра адукацыі Андрэя Іванца.
Ну, вядома, парадавалі прысутных у канцэртнай зале плеяда беларускіх артыстаў пад акампанемент Прэзідэнцкага аркестра. Уразіў рэпертуар артыстаў, ён адрозніваўся разнастайнасцю і навізной, ахопам усіх музычных напрамкаў і стыляў.
Кірыл Максімчык,
член савета маладых вучоных
Нашли ошибку? Выделите ее и нажмите Ctrl-Enter