Пачала працу ЮБІЛЕЙНАЯ Міжнародная навукова-практычная канферэнцыя «Інавацыйнае развіццё транспартнага і будаўнічага комплексаў», прысвечаная 70-годдзю БІІЧТ-БелДУТ

Апублікавана 16.11.2023 12:36

16 лістапада 2023 года ў Беларускім дзяржаўным універсітэце транспарту пачала працу юбілейная Міжнародная навукова-практычная канферэнцыя «Інавацыйнае развіццё транспартнага і будаўнічага комплексаў», прысвечаная 70-годдзю БІІЧТ-БелДУТ.

У вочнай і дыстанцыйнай формах у рабоце канферэнцыі прымае ўдзел звыш 350 навукоўцаў з Беларусі, Расіі, Кітая, Узбекістана і іншых краін.

Прарэктар на навуковай рабоце Беларускага дзяржаўнага ўніверсітэта транспарту, кандыдат тэхнічных навук Аляксандр Аляксандравіч Ерафееў:

- Па традыцыі, якая ўжо склалася за многія гады, наша канферэнцыя праводзіцца пры падтрымцы Міністэрства транспарту і камунікацый Рэспублікі Беларусь і Беларускай чыгункі. У працы секцый прымаюць удзел навукоўцы з самых розных галін эканомікі не толькі нашай краіны, але і краін блізкага і далёкага замежжа. На нашу думку, такое супрацоўніцтва, актыўны дыялог паміж навукоўцамі і практыкамі розных сфер і эканамічных сістэм дазволіць сфармуляваць новыя падыходы і знайсці эфектыўныя рашэнні актуальных задач развіцця і інавацый транспартнага і будаўнічага комлексов.

Гэтая канферэнцыя юбілейная, таму мы ўжо можам гаварыць аб назапашаным вопыце і, пры гэтым, упэўнена распрацоўваць далейшыя стратэгіі інавацыйнага развіцця.

Сёння ідзе праца 12 секцый канферэнцыі:

1. Рухомы састаў чыгуначнага транспарту.
2. Кіраванне і інтэлектуальныя транспартныя сістэмы.
3. Інфармацыйныя тэхналогіі, аўтаматыка, тэлемеханіка і сувязь на чыгуначным транспарце.
4. Прыкладная экалогія, рэсурсазберагальныя і энэргаэфектыўныя тэхналогіі на транспарце.
5. Эканоміка транспарту і лагістыка ва ўмовах цыфравізацыі.
6. Праектаванне, будаўніцтва і эксплуатацыя транспартных аб'ектаў.
7. Прамысловае і грамадзянскае будаўніцтва.
8. Натуральныя навукі для транспартнага і будаўнічага комплексаў.
9. Тэндэнцыі развіцця адукацыйных тэхналогій і выхавання спецыялістаў транспартнага комплексу.
10. Інавацыйныя тэхналогіі арганізацыі пасажырскіх перавозак.
11. Гісторыя транспарту і транспартнай адукацыі.
12. Інавацыйныя падыходы ў забеспячэнні сістэмы транспартнай бяспекі.

У музеі БелДУТ разгорнута стужка часу гісторыі БІІЧТ-БелДУТ ад пачатку ўтварэння Беларускай чыгункі да дасягненняў універсітэта нашага часу.

Пленарнае пасяджэнне канферэнцыі, прысвечанай 70-годдзю БІІЧТ-БелДУТ, адбудзецца 17 лістапада.

Фота Алены Белавус