Зорачкі не толькі на пагонах

Апублікавана 05.01.2024 09:23

• Мытная справа

26 снежня 2023 года ва ўніверсітэце адбылася IX вузаўская Алімпіяда для студэнтаў спецыяльнасці «Мытная справа» III–IV курсаў «Зорачкі не толькі на пагонах».

«Зорачкі не толькі на пагонах» – назва алімпіяды, якую прыдумалі дзевяць гадоў таму студэнты – першыя яе арганізатары, для таго, каб падкрэсліць шматграннасць асобы студэнта спецыяльнасці «Мытная справа», сёння стала дэвізам для ўсіх: выпускнікоў, студэнтаў і выкладчыкаў!

Мэтай правядзення Алімпіяды з’яўляецца ўдасканаленне прафесійных кампетэнцый, фармаванне аналітычных навыкаў, здольнасці самастойна і прафесійна прымаць рашэнні, крытычна думаць, працаваць у калектыве; развіццё асобы і яе творчых здольнасцяў.

Адказнымі за арганізацыю алімпіяды з’яўляліся выкладчыкі кафедры «Мытная справа» і студэнты групы ГЭ-33 (ГТ-31) спецыяльнасці «Мытная справа».

Алімпіяда праводзілася ў выглядзе спаборніцтва студэнтаў у камандным першынстве і ў гэтым годзе складалася з 5 этапаў.

1. Дзейнасць у сферы мытнай справы
2. Гісторыя мытнай справы.
3. Асновы эканамічнай бяспекі.
4. Міжнародныя транспартныя і мытна-візавыя сістэмы.
5. Замежная мова.

У спаборніцтве ўзялі ўдзел 4 каманды студэнтаў 4 курса. Сёлета ўдзельнікам было прапанавана ўзяць удзел у гераічным батле з мафіяй.

Прызёры каманднага першынства вызначаліся шляхам складання агульнай колькасці балаў за кожнае выкананае заданне.

Першае месца заваявала каманда «Сям’я Кустомс» у складзе капітана каманды – Булка Дыяны і членаў: Акуленка Ксеніі, Удодава Паўла, Церашкова Андрэя, Князевай Ксеніі, Усцюжынай Анастасіі і Смаляковай Кацярыны.

Для выкладчыкаў і запрошаных гасцей (студэнтаў другога курса спецыяльнасці «Мытная справа») былі падрыхтаваны загадкі ў вершаванай форме, дзе па апісанні трэба было адгадаць канкрэтную асобу: студэнта або выкладчыка.

Дзякуем усім удзельнікам Алімпіяды і жадаем поспехаў у далейшай прафесійнай дзейнасці!