21 лютага – Міжнародны дзень роднай мовы

Апублікавана 21.02.2024 11:20

Ужо амаль чвэрць стагоддзя 21 лютага ў свеце адзначаюць Міжнародны дзень роднай мовы.

Абвешчаны на 30-й сесіі ЮНЕСКА у 1999 годзе, гэты дзень пакліканы заахвоціць моўную разнастайнасць, спрыяць захаванню ўразлівых моваў невялікіх нацый, іхніх моўных традыцый, нагадаць, што без належнай увагі дзяржаваў і сусветнай супольнасці многія мовы знікнуць назаўсёды. 

З нагоды Міжнароднага дня роднай мовы студэнты групы ГТ-31 разам з куратарам – дацэнтам А.П. Пятровым-Рудакоўскім падрыхтавалі віктарыну, прысвечаную роднай мове, літаратуры, гістарычнай спадчыне Беларусі.

Студэнты падзяліліся на дзве каманды, якія актыўна спаборонічалі за перамогу ў віктарыне, але перамога сталася адной агульнай для ўсіх, бо абедзьве каманды засведчылі не проста выдатныя веды, але і сардэчнае пачуццё любві да роднай мовы і культурнай спадчыны сваёй краіны. 

Менавіта з гэтага пачынаецца патрыятызм і гонар за Радзіму, адчуванне прыналежнасці да чагосьці ўнікальнага і самабытнага, чаго больш нідзе не сустрэнеш. І гэтае адчуванне вельмі важна захаваць у нашым сённяшнім вірлівым і глабалізаваным свеце. 

Антон Пятроў-Рудакоўскі