У гонар Вялікай Перамогі

Апублікавана 09.05.2024 20:22

У гонар 80-й гадавіны вызвалення Беларусі ад нямецка-фашысцкіх захопнікаў па ініцыятыве студэнтаў будаўнічага факультэта быў арганізаваны аўтапрабег да воінскіх пахаванняў, размешчаных у а/г Навасёлкі (уліковы нумар 2039) і а/г Шарсцін (уліковы нумар 2042) Веткаўскага раёна. Студэнты і выкладчыкі нашага ўніверсітэта ўшанавалі хвілінай маўчання памяць загінутых у гады Вялікай Айчыннай вайны і ўсклалі кветкі да манументаў.

Сёння мы сабраліся тут, каб ушанаваць памяць тых, хто аддаў свае жыцці ў барацьбе з фашызмам у гады Вялікай Айчыннай вайны за нашу незалежную і квітнеючую будучыню! Дзень Перамогі ў Рэспублікі Беларусь адзначаецца штогод, што падкрэслівае суверэннасць і міралюбнасць нашай дзяржавы! Мы ніколі не забудзем тых, хто загінуў за нашу свабоду. І няхай памяць будзе вечным напамінам аб мужнасці і адвагі, якія прывялі да Вялікай Перамогі! Памяць будзе служыць сімвалам нашай вечнай падзякі і павагі да тых, хто абараняў нашу Радзіму і падарыў нам мірную будучыню. Дзякуй за подзвігі падчас Вялікай Айчыннай вайны! Яны будуць жыць з намі вечна!

Шкароедаў Дзмітрый,
старшыня прафсаюзнага бюро
механічнага факультэта

Выказваем падзяку кіраўніцтву ўніверсітэта за арганізацыю аўтапрабегу, бо прыняць удзел у такім мерапрыемстве – гэта нешта новае, незвычайнае, што магло б стаць добрай традыцыяй для нашага ўніверсітэта. Такі фармат дае магчымасць прыцягнуць больш увагі моладзі да тых падзей, якія адбываліся ў часы Вялікай Айчыннай вайны, захаваць памяць аб тых пакутах і гераічных подзвігах нашых продкаў, якія давялося пераадолець на шляху да Вялікай Перамогі.

Віталь Хачатуран, Мікіта Яхнін,
студэнты будаўнічага факультэта, група С-32

Мікалай Бандзюк,
Намеснік дэкана
па выхаваўчай рабоце
будаўнічага факультэта

Фота прэс-служба