Навукоўцы БелДУТ узнагароджаны кіраўніцтвам вобласці і горада

Апублікавана 23.01.2025 17:02

• Дасягненні

Напярэдадні свята людзей навукі ўшаноўвалі ў палацы Румянцавых і Паскевічаў.

Урачысты сход, прысвечаны Дню беларускай навукі, адбыўся 23 студзеня 2025 года. Кіраўніцтвам Гомельскай вобласці і горада Гомеля ўзнагароджаны вядучыя навукоўцы нашага рэгіёна.

Ганаровай граматай Гомельскага абласнога Савета дэпутатаў за шматгадовую плённую навукова-арганізацыйную працу ў сістэме вышэйшай адукацыі, значны ўклад у фарміраванне і рэалізацыю планаў навукова-даследчых работ узнагароджаны начальнік аддзела маркетынгу навуковых даследаванняў і інавацыйнай дзейнасці ўстановы адукацыі «Беларускі дзяржаўны універсітэт транспарту» Патапенка Георгій Міхайлавіч.

Падзякай Гомельскага гарадскога выканаўчага камітэта за шматгадовую плённую навукова-педагагічную дзейнасць, высокія дасягненні ў навуковай рабоце і значны асабісты ўклад у развіццё чыгуначнага транспарту ўзнагароджаны навуковы кіраўнік НДЛ «Бяспека і электрамагнітная сумяшчальнасць тэхнічных сродкаў» д.т.н. Бачкоў Канстанцін Афанасьевіч.

Падзякай Гомельскага гарадскога выканаўчага камітэта за шматгадовую плённую навуковую дзейнасць, высокі прафесіяналізм і значны асабісты ўклад у папулярызацыю і развіццё маладзёжнай навукі ўзнагароджаны загадчык НДЛ «Кіраванне працэсам транспарціроўкі», старшыня савета маладых вучоных установы адукацыі «Беларускі дзяржаўны ўніверсітэт транспарту» Страдомскі Міхаіл Юр'евіч.

Прэс-служба

Фота газеты «Гомельская праўда»