Страявы агляд студэнтаў-мытнікаў першага курса

Апублікавана 29.03.2025 17:30

• Мытная справа

Нарэшце завяршыўся пашыў форменнай вопраткі для студэнтаў-мытнікаў першага курса. 

Нашэнне формы не з’яўляецца абавязковым патрабаваннем для студэнтаў, якія навучаюцца па спецыяльнасці «Мытная справа», аднак большая частка групы адразу ж адназначна выказалася за форму, разумеючы, што нашэнне формы не толькі дысцыплінуе, але і ў некаторым сэнсе дазваляе загадзя адчуць асаблівасці нясення такога адказнага віду дзяржаўнай службы, як служба ў мытных органах.

Як толькі студэнты атрымалі свежапашытую форму, куратарам групы А.П. Пятровым-Рудакоўскім быў арганізаваны страявы агляд, які прайшоў 24 сакавіка 2025 года.

У ходзе мерапрыемства ў ліку іншых былі асветлены этычныя пытанні, звязаныя з нашэннем формы, якія вызначаюць агульныя патрабаванні да знешняга выгляду і аблічча студэнта, паводзінаў ва ўніверсітэце і ў грамадскіх месцах, недапушчальнасці курэння, брыдкаслоўя і здзяйснення іншых дзеянняў, здольных запляміць гонар мундзіра і дыскрэдытаваць універсітэт і спецыяльнасць «Мытная справа».

Адмысловая ўвага куратарам было нададзена асаблівасцям нашэння форменнай вопраткі і асобных яе элементаў. Было расказана, як падабраць памер форменнай кашулі, адрэгуляваць гальштук, як правільна насіць галаўны ўбор, які абутак можна насіць з форменным адзеннем, а які – недапушчальна. Асобна абмеркаваны асаблівасці нашэння жаночай формы адзення.   

А.П. Пятроў-Рудакоўскi