Знайдзіце свой «сямейны маршрут»

Апублікавана 11.05.2026 08:18

• Ідэялагічная і выхаваўчая работа

З сям'і пачынаецца Радзіма: сёння, 11 мая, у Беларусі стартуе Тыдзень сям'і.

Студэнцкі актыў БелДУТ задумаўся: а як мы самі ўяўляем сабе ідэальны сямейны вольны час?

Адказ знайшоўся падчас велапрабегу, прысвечанага Дню дзяржаўных сцяга, герба і гімна. Пераадольваючы маршрут, мы звярнулі ўвагу: на маляўнічым возеры размясцілася сям'я - тата, мама і двое зусім яшчэ маленькіх дзяцей. Вуды, качачкі, цішыня, лёгкі вецер з вады і шчаслівыя вочы бацькоў, якія перадаюць малышам галоўную навуку жыцця: уменне радавацца простым рэчам і быць разам.

І вось: ТОП-5 ідэй для сямейнага адпачынку (па версіі студэнтаў БелДУТ):

• Сямейны велапрабег. Не на хуткасць, а для задавальнення.
• Рыбалка. Нават калі не дзяўбе, размова ля вады даражэй любога ўлову.
• Сумесныя паходы ў басейн (БелДУТ) або на каток. 
• «Зялёныя» суботнікі і экалагічныя акцыі. Пасадзіце разам дрэва або куст.
• Пешыя прагулкі з фотапаляваннем.

Запрашаем усіх студэнтаў, выкладчыкаў і супрацоўнікаў БелДУТ правесці наступны тыдзень з блізкімі. Знайдзіце свой «сямейны маршрут». І памятайце: самы вялікі ўклад у будучыню краіны-гэта шчаслівая і моцная сям'я.

Велапрабег скончыўся, а сямейны сезон - толькі пачынаецца. Наперад, за цяплом!

Метадыст АІВР
Вольга Хіменкова