З Днём чыгуначніка!
- Апублікавана 04.08.2019 01:32
Паважаныя калегі, паважаныя працаўнікі і ветэраны стальной магістралі!
Сардэчна віншую вас з прафесійным святам!
Чыгункі па праве лічацца асноўнымі транспартнымі артэрыямі краіны, ад паспяховай працы якіх залежыць не толькі бяспека і камфорт пасажыраў, але і паступальнае развіццё ўсіх галінаў народнай гаспадаркі.
Вы абралі асаблівы жыццёвы шлях - жалезны, і ваша праца будзе запатрабавана заўсёды. Вашы стваральная энергія і энтузіязм ствараюць новыя маршруты, мадэрнізуюць рухомы састаў, абнаўляюць вакзалы і дэпо, удасканальваюць узровень абслугоўвання пасажыраў. Дзякуй вам за адданасць сваёй справе, якая патрабуе вялікай адказнасці, дысцыпліны, а часам і мужнасці.
Мы ганарымся тым, што наша ВНУ з'яўляецца надзейнай кузняй кадраў для Беларускай чыгункі. На сённяшні дзень большасць яе кіраўнікоў - гэта прафесіяналы высокага класа, якія вучыліся ў БелІІЧТ- БелДУТ. Прыемна, што з года ў год павышаюцца транзітная прывабнасць нашай краіны, бяспека руху цягнікоў, мадэрнізуецца інфраструктура, абнаўляецца рухомы састаў.
Жадаю вам гладкіх шляхоў і высокіх хуткасцяў.
Моцнага здароўя, прафесійнага росту, дабрабыту, міру і сямейнага шчасця!
Рэктар універсітэта
доктар фізіка-матэматычных навук
Ю. І. КУЛАЖАНКА