Твая прафесія-твой выбар!

Апублікавана 02.10.2019 10:47

Праглядаў: 1044

• Прафарыентацыйная работа

1 кастрычніка 2019 года прадстаўнікі нашага ўніверсітэта наведалі дзяржаўную ўстанову адукацыі «Гомельскі гарадскі міжшкольны цэнтр № 2 дапрызыўнай падрыхтоўкі», дзе сустрэліся з навучэнцамі 11-х класаў.

Выкладчык кафедры «Ваенна-спецыяльная падрыхтоўка», капітан Шыпілеў Аляксандр Сяргеевіч распавёў пра асаблівасці паступлення і праходжання службы на ваенна-транспартным факультэце Беларускага дзяржаўнага ўніверсітэта транспарту.

Ён адзначыў, што ў перыяд вучобы курсанты ВТФ атрымліваюць:

1. грашовае забеспячэнне ў памеры каля 350 рублёў;
2. бясплатнае пражыванне ў інтэрнаце ўніверсітэта;
3. поўнае забеспячэнне абмундзіраваннем;
4. 3-х разавае штодзённае харчаванне.

Затым вядучы спецыяліст па прафарыентацыйнай рабоце Яфрэмаў Яраслаў Вадзімавіч азнаёміў іх з сістэмай правядзення цэнтралізаванага тэставання, спецыяльнасцямі ўніверсітэта, магчымасцю навучання на падрыхтоўчых курсах у нашым універсітэце.

Спецыяліст па прафарыентацыйнай рабоце Шыдлоўская Алена Ігараўна акцэнтавала ўвагу будучых абітурыентаў на магчымасці праходжання ваенна-спецыяльнай падрыхтоўкі студэнтамі грамадзянскіх спецыяльнасцяў, з магчымасцю атрымання звання афіцэра запасу Ўзброеных Сіл Рэспублікі Беларусь. 

Выказваем падзяку адміністрацыі ўстановы адукацыі «Гомельскі гарадскі міжшкольны цэнтр № 2 дапрызыўнай падрыхтоўкі» за арганізаванае мерапрыемства і спадзяемся на доўгатэрміновае плённае супрацоўніцтва.