Інтэлектуальная бітва

Апублікавана 04.10.2019 08:14

Праглядаў: 1275

Выдатным восеньскім вечарам 2 кастрычніка 2019 года ў нашым універсітэце прайшло вельмі цікавае мерапрыемства. 150 студэнтаў, якія прадстаўляюць усе факультэты БелДУТа, сышліся ў «інтэлектуальнай бітве».

Падзея гэтая стала магчымай дзякуючы нашым спонсарам - кампаніі ТАА «Трансгрупплогистик», якая не толькі падрыхтавала цікавыя пытанні, прызы і падарункі, але і пачаставала студэнтаў.

Падчас гульні ўдзельнікам прыйшлося адказваць на розныя пытанні, прычым калі з пачатку можна было выбраць з прапанаваных варыянтаў, то потым трэба было ўжо ўключацца на 100%, генераваць правільны адказ і нават рызыкнуць заробленым ўжо балам, каб атрымаць дадатковы. Студэнты паказалі добрыя веды ў галіне музыкі, кіно, літаратуры і спорту, а таксама ў сваёй профільнай вобласці, бо частка пытанняў была прысвечана розным аспектам працы транспарту.

У выніку пераможцы конкурсу на лепшую фатаграфію атрымалі заплечнік з сюрпрызам,

уладальнікі дваццатага месца-суцяшальныя шакаладкі,

тройка лідэраў-сертыфікаты на розныя падарункі, дыплом і нататнікі.

А добры настрой атрымалі ўсе ўдзельнікі.

Поўная фотасправаздача ў альбоме нашай афіцыйнай групы УКантакце