Курсы павышэння кваліфікацыі па кірунку «Асаблівасці ўліку, аналізу і кантролю матэрыяльных актываў на чыгуначным транспарце»

Апублікавана 04.10.2019 16:14

• ІПК

З 30 верасня па 4 кастрычніка 2019 года на базе Інстытута павышэння кваліфікацыі і перападрыхтоўкі кіраўнікоў і спецыялістаў транспартнага комплексу Рэспублікі Беларусь кафедры «Бухгалтарскі ўлік, аналіз і аўдыт» былі праведзены курсы павышэння кваліфікацыі па кірунку «Асаблівасці ўліку, аналізу і кантролю матэрыяльных актываў на чыгуначным транспарце».

Новая тэматыка курсаў, якая зацікавіла ўліковых работнікаў у 2018 годзе, атрымала водгук у практыкаў транспартнай галіны і ў 2019 годзе. У выніку ў якасці слухачоў прысутнічала 19 чалавек з розных арганізацый Беларускай чыгункі, у асноўным, прадстаўнікі бухгалтарскай прафесіі.

Асноўнымі пытаннямі, разгледжанымі ў ходзе правядзення заняткаў і гутарак, былі:

• вывучэнне эканамічнай характарыстыкі відаў матэрыяльных актываў на чыгуначным транспарце;
• асаблівасці нарматыўна-прававога рэгулявання бухгалтарскага ўліку матэрыяльных актываў у Рэспубліцы Беларусь;
• актуальныя праблемы бухгалтарскага ўліку, аналізу і кантролю за станам матэрыяльных актываў;
• напрамкі ўдасканалення бухгалтарскага ўліку матэрыяльных актываў па міжнародных стандартах фінансавай справаздачнасці.

Слухачы актыўна ўдзельнічалі ў абмеркаванні названых пытанняў, дзяліліся ўласнымі меркаваннямі, зыходзячы са свайго практычнага досведу.

Па заканчэнні заняткаў слухачы паспяхова здалі залік і атрымалі пасведчанні ўстаноўленага ўзору.