ЧЫСТАЙ РАЦЭ-ЧЫСТЫ БЕРАГ

Апублікавана 08.10.2019 10:30

Праглядаў: 912

5 кастрычніка 2019 года адбылася рэспубліканская экалагічная акцыя «Мы клапоцімся» пад дэвізам «Захаваем планету зялёнай». 

У акцыі прыняў удзел атрад «Экасфера», сфармаваны са студэнтаў будаўнічага факультэта БелДУТа. Камандзір атрада – студэнт 5 курса гр. СВ-51 Раман Нозік. Кіраўнікі – дацэнты кафедры  «Экалогія і энергаэфектыўнасць у тэхнасферы» Вастрова Р. М. і Калдаева С. М. Месцам правядзення мерапрыемства стала тэрыторыя левабярэжжа ракі Сож у межах гарадской рысы.

Загадчык кафедры ЭЭТ Пяхота А. М. далучыўся да ўдзелу ў акцыі і ўзначаліў працу атрада.

Збор быў прызначаны ля пешаходнага маста праз Сож.

Запланаваны ўчастак работ – зона ад берагавой лініі Сожа да Вяслярнага канала. Старт – 9.00.

Доўга шукаць не прыйшлося. Вось так выглядала зялёная зона нашага горада, адна з нямногіх дасяжных пешшу зон адпачынку гараджан.

Мерапрыемства доўжылася да 13.00. Па факце – да запаўнення нарыхтаваных пакетаў. Далей збіраць было няма куды.

Так выглядалі вынікі нашай працы.

Вынікі ўзважылі і запратакалавалі.

«Здабычу» склалі ў двух кропках – на беразе Сожа і на беразе канала (адзначаны на карце трохкутнікамі).

Мы спадзяемся, што мы працавалі нездарма, і месцы збору смецця не ператворацца ў стыхійныя звалкі.