ВУЧЭБНА-МЕТАДЫЧНЫ СЕМІНАР «АРГАНІЗАЦЫЯ АДУКАЦЫЙНАГА ПРАЦЭСУ ВА ЎНІВЕРСІТЭЦЕ»

Апублікавана 08.10.2019 12:23

27 верасня 2019 года ў межах плана работы вучэбна-метадычнага семінара «Арганізацыя адукацыйнага працэсу ва ўніверсітэце» разглядалася пытанне «Інтэрактыўныя элементы і анімаваныя ілюстрацыі ў электронных навучальных выданнях».

На семінары выступіў старшы выкладчык кафедры «Праектаванне, будаўніцтва і эксплуатацыя транспартных аб’ектаў» Лапушкін А. С., які звярнуў увагу на важнасць электронных выданняў у рамках удасканалення падрыхтоўкі вучэбна-метадычнай дакументацыі дыстанцыйнай формы навучання.

Лапушкін А. С. у сваім выступе падзяліўся досведам распрацоўкі электроннага навучальнага выдання, якое змяшчае ў сваім складзе розныя віды інтэрактыву і анімацыі, прадэманстраваўшы майстар-клас яго пакрокавай распрацоўкі. 

Падчас семінара слухачам былі прадэманстраваны праграмныя комплексы, якія выкарыстоўваюцца пры распрацоўцы электронных выданняў, а таксама прыёмы працы з імі. Асаблівая ўвага была нададзена спосабам стварэння анімаванага малюнка, гіперспасылак унутры дакумента і інтэрактыўных малюнкаў-карт.

Удзельнікі семінара атрымалі адказы на пытанні, якія іх цікавяць. Падчас абмеркавання было ўзнятае пытанне аб правядзенні курсаў павышэння кваліфікацыі сярод работнікаў універсітэта, накіраваных на падрыхтоўку спецыяліста ў сферы разгляданых на семінары тэхналогій.