СТУДЭНТ ГОДА 2019. УНІВЕРСІТЭЦКІ ЭТАП

Апублікавана 12.10.2019 02:49

Праглядаў: 830

10 кастрычніка 2019 года адбыўся этап рэспубліканскага конкурсу «Студэнт года 2019».

Змагацца за гэтае ганаровае званне на сцэну актавай залы выйшлі лепшыя прадстаўнікі шасці факультэтаў.

Гэта: Верас Аляксандр (М-31), Воінава Юлія (ГТ-31), Пішчык Уладзіслаў (УД-31), Кандрацьева Кацярына (ПА-52), Якаўлева Кацярына (МВ-51), Скорыкаў Іван (ВТ - 21).

Яны  – выдатнікі вучобы, актыўныя ўдзельнікі грамадскага жыцця, якія дасягнулі пэўных поспехаў у навукова-даследчай дзейнасці. Зрэшты, больш падрабязна пра сябе кожны з іх распавядаў у першым этапе конкурсу «Візітная картка».

Кандрацьева Кацярына – малюе заўсёды і ўсюды, таленавітая, займаецца спортам, удзельнічае ў грамадскім жыцці універсітэта.

Воінава Юлія - захапляецца танцамі, маляваннем, ездзіла па замкавых балях Беларусі, удзельнічала ў навагодняй казцы «Шчаўкунчык» у рамках дабрачыннай акцыі «Цуды на Каляды» , таксама ўдзельнічала ў «Першакурсніку» і  «За выдатных дам».

Пішчык Уладзіслаў – грае на фартэпіяна, гітары. Удзельнічае ў «Што? Дзе? Калі?». З’яўляецца членам студэнцкай Рады БелДУТ, таксама ўдзельнічаў у «Першакурсніку».

Якаўлева Анастасія – майстар спорту па гімнастыцы, З’яўляецца членам каманды БелДУТ па аэробіцы, таксама ўдзельнічала ў «Першакурсніку», «За выдатных дам». Была культоргам факультэта.

Верас Аляксандр – грае на гітары, захапляецца праграмаваннем. З’яўляецца членам зборнай па валейболе, а таксама камандзір па валейболе свайго факультэта.

Скорык Іван – займаецца вольнай барацьбой. Удзельнічаў у пераможных «Першакурсніку» і «Зімовай вясёлцы». «Ваенны, вельмі добры» – кажа пра сябе Іван.

Таленавітыя хлопцы и дзяўчаты паказалі сябе ў пяці конкурсах:

1. Конкурс відэа  «Я студэнт!».
2. Студэнцкая прэзентацыя ўдзельніка.
3. Конкурс прамоўніцкага майстэрства «# Упрафесіі».
4. Інтэлектуальны конкурс. 
5. Творчы конкурс.

У намінацыі Лепшы відэаролік перамагла Юлія Воінава. Вельмі светлы і прыязны чалавек – Юля. Такое добрае ўражанне зрабіў ролік дзяўчыны на залу.

У творчым нумары Якаўлева Анастасія паказала ўсім сваё майстэрства ў гімнастыцы. Складаныя падтрымкі і эцюды выклікалі захапленне гледачоў.

У інтэлектуальным конкурсе хлопцы і дзяўчаты прадэманстравалі веды аб Вялікай Айчыннай вайне.

Перад журы, у склад якога ў гэтым годзе ўвайшлі: прарэктар па вучэбнай рабоце Казакоў Мікалай Мікалаевіч, прарэктар па выхаваўчай працы Чаянкова Галіна Міхайлаўна, педагог-псіхолаг Ярашэвіч Ганна Сяргееўна, спецыяліст па прафарыентацыйнай рабоце Шыдлоўская Алена Ігараўна, 2-гі Сакратар гомельскага гарадскога камітэта «БРСМ» Мілаванава Валерыя Аляксандраўна, стаяла цяжкая задача.

Але конкурс ёсць конкурс.

Перамогу ў вузаўскім этапе конкурсу «Студэнт года 2019» атрымаў студэнт факультэта КПП Уладзіслаў Пішчык.

Настрой у гэты вечар быў на вышыні ва ўсіх! 

Пасля заканчэння спонсар мерапрыемства ТАА «Белпрадукт» пачаставаў усіх гасцей і ўдзельнікаў найсмачнымі чыпсамі. Яшчэ адным спонсарам з’явілася першасная арганізацыя ГА «БРСМ» БелДУТ.

 

Усе фатаграфіі

Будет добавлено видео