Ідуць рэпетыцыі да «А, ну-ка, першакурснік!»...
- Апублікавана 31.10.2019 16:12
Ужо 21 лістапада 2019 года ў 16.00 у актавай зале БелДУТ адбудзецца конкурс «А, ну-ка, першакурснік!». Конкурс, які з нецярпеннем чакае кожны студэнт і выкладчык ВНУ, бо ён сапраўды з году ў год робіцца яркай ноткай восені.
Мы зазірнулі на рэпетыцыі да студэнтаў. Што можам сказаць?
Мяркуючы па тэмах, якія факультэты выбралі ў гэтым годзе, нас чакаюць ўражлівыя выступы! Першакурснікі старанна рыхтуюцца – адточваюць акцёрскае майстэрства, рэпетуюць харэаграфічныя нумары, прымяраюць касцюмы і майструюць дэкарацыі.
Асаблівая атмасфера пануе на рэпетыцыях, бо кожны факультэт хоча стаць лепшым і атрымаць запаветную пераходную Вазу пераможцы.
Пажадаем удачы хлопцам ды дзяўчатам, і самае галоўнае – атрымаць драйву ад выступлення!
Нашли ошибку? Выделите ее и нажмите Ctrl-Enter