Дзелавая, канструктыўная размова. Сустрэча з Прывалавым В. А.
- Апублікавана 14.11.2019 18:46
Адбылася сустрэча намесніка старшыні аблвыканкама В. А. Прывалава са студэнтамі, курсантамі, выкладчыкамі і супрацоўнікамі ўніверсітэта.
Уладзімір Аляксандравіч курыруе такія сферы, як адукацыя, ахова здароўя і спорт. На іх ён і засяродзіў увагу аўдыторыі, расказаў аб дасягненнях і праблемах.
Ён адзначыў, што наша вобласць займае лідзіруючыя пазіцыі ў рэспубліцы па выніках цэнтралізаванага тэставання. Па прадметных алімпіядах нашы школьнікі сёлета занялі 1-е месца, а ў мінулым – 1-е і 2-е. Радуе і той факт, што сельскія школьнікі падцягнуліся да ўзроўню гарадскіх, яны канкуруюць нароўні з імі.
Аднак, як адзначыў наш госць, у маладзёжным асяроддзі дастаткова і праблем. Напрыклад, злачыннасць, наркаманія, расце колькасць суіцыдаў, выхаванне дзяцей у сацыяльна небяспечных сем'ях.
І тут нельга быць адхіленым ад такіх негатыўных праблем. Па вялікім рахунку ўсе гэтыя пытанні датычацца ўсіх і кожнага. Супрацьстаянне - вось галоўнае, што можна рабіць у падобных сітуацыях, узброіўшыся веданнем законаў.
Бачна, ярка на арбіце рэспублікі прадстаўлена медыцына вобласці. Штогод медыцынскія цэнтры перааснашчаюцца высокатэхналагічным абсталяваннем. Дзякуючы гэтаму ў нас праводзяцца аперацыі па трансплантацыі нырак, печані, унікальныя аперацыі на сэрцы.
Па зніжэнні ўзроўню дзіцячай смяротнасці вобласць займае лідзіруючае месца ў Еўропе. З году ў год расце экспарт медыцынскіх паслуг. У найбліжэйшай перспектыве - укладванне сродкаў у падрыхтоўку годных кадраў і далейшае перааснашчэнне медыцынскіх устаноў. На жаль, пакуль не ўдалося дасягнуць перавышэння нараджальнасці над смяротнасцю насельніцтва. І ў гэтым складаецца адна з галоўных праблем не толькі медыцыны, але і грамадства ў цэлым.
У сваім выступе В.А. Прывалаў спыніўся на спартыўных дасягненнях. Напрыклад, наступны факт гаворыць пра многае: 21 медаль з 69 зборнай Беларусі на II Еўрапейскіх гульнях заваяваны нашымі землякамі. У нас развіваецца 50 відаў спорту, 35 з іх - алімпійскія. Імёны нашых спартсменаў-землякоў шырока вядомыя не толькі ў Беларусі.
На Гомельшчыне добрая спартыўная база, якая ўключае 900 розных спартыўных школ і стадыёнаў. Яна пастаянна прырастае новымі аб'ектамі. Сёлета ўведзена лыжаролерная траса сусветнага ўзроўню, на чарзе – крыты надзіманы футбольны манеж у Савецкім раёне горада.
Развіваецца ў вобласці аграэкатурызм, медыцынскі і вытворчы турызм, даходы ад якіх значна папаўняюць бюджэт вобласці.
Студэнцкая аўдыторыя заўсёды актыўная і дапытлівая. Гэтым разам юнакоў і дзяўчат цікавілі пытанні рэканструкцыі і будаўніцтва спартыўных аб'ектаў, адкрыццё пешаходных зон, веладарожак і многія іншыя. В. А. Прывалаў падрабязна адказаў на ўсе зададзеныя пытанні.
