Атрад «Арыенцір» дзейнічае

Апублікавана 23.12.2019 14:27

• Валанцёры

22 снежня 2019 года ў рамках дабрачыннай акцыі валанцёрскі атрад «Арыенцір» пад кіраўніцтвам старшага выкладчыка кафедры «Бухгалтарскі ўлік, аналіз і аўдыт» Байкачовай А.У. наведаў прытулак-гадавальнік жывёл, створаны сіламі актыўных людзей на добраахвотнай і бязвыплатнай аснове. Асноўная мэта - дапамагчы бяздомным жывёлам.

Трапляючы ў атмасферу гэтага мерапрыемства, у асяроддзе сумных i чакаючых дапамогі вачэй жывёл, нельга заставацца абыякавымі да іх праблем. Наведванне такіх мерапрыемстваў вучыць дабрыні, аказанні дапамогі, імкненню да ўзаемадапамогі, бо сярод нас не так шмат людзей, здольных бескарысліва дапамагаць і ўдзельнічаць у жыцці аднойчы здраджаных чатырохногіх сяброў, якіх, на жаль, становіцца ўсё больш.

Студэнты атрада Жырыкава І., Драбышэўская Д., Андык А., Брыкет Д., Міхалко Т., Пашук В., Пісарава А., Старасотнікаў Д. вырашылі з'ездзіць і аказаць пасільную дапамогу такім жывёлам. Студэнты набылі не хапаючых гадавальніку корм, крупы, свіныя і ялавічныя косткі, посуд і прыехалі перадаць кіраўніку прытулку Наталлі, а таксама выгуляць сабак.

Хочацца выказаць падзяку студэнтам групы ГБ-21 (куратар Байкачова А.У.) і ГБ-41, якія прынялі ўдзел у куплі корму для жывёл.

Вельмі прыемна ўсведамляць, што ў нас добрая, спагадлівая моладзь, гатовая прыйсці на дапамогу!