Прафарыентацыйная работа ў Мазыры
- Апублікавана 08.02.2020 10:26
Традыцыйнымі сталі сустрэчы супрацоўнікаў нашага ўніверсітэта з навучэнцамі выпускных класаў у межах прафарыентацыйнай работы. 6-7 лютага аб нашым транспартным універсітэце навучэнцам установаў адукацыі г. Мазыра распавёў вядучы спецыяліст па прафарыентацыйнай рабоце Яфрэмаў Яраслаў Вадзімавіч.
Першай свае гасцінныя дзверы адчыніла «Сярэдняя школа № 12 г. Мазыра».
Затым прафарыентацыйная сустрэча адбылася ва ўстанове адукацыі «Сярэдняя школа № 14 г. Мазыра».
Далей маршрут падарожжаў па слаўнаму гораду Мазыру прывёў у дзяржаўную ўстанову адукацыі «Гімназія імя Я. Купалы».
Сардэчны прыём прадстаўнікам БелДУТ аказаў «Мазырскі дзяржаўны абласны ліцэй».
Завяршальным этапам работы з будучымі абітурыентамі стала наведванне ўстановы адукацыі «Сярэдняя школа № 9 г. Мазыра».
Усіх школьнікаў, ліцэістаў і гімназістаў аб’ядноўвала імкненне даведацца пра спецыфіку прыёмнай кампаніі, асаблівасці адукацыйнага працэсу ў вышэйшай навучальнай установе.
Яраслаў Вадзімавіч падрабязна распавёў пра спецыяльнасці ўніверсітэта, магчымасці навучання на курсах малодшых камандзіраў на ваенна-транспартным факультэце, пра асноўныя арганізацыі, якія з’яўляюцца замоўцамі кадраў, пра умовы пражывання ў студэнцкім гарадку для іншагародніх студэнтаў. Асаблівая ўвага была нададзена сістэме падрыхтоўкі да цэнтралізаванага тэставання.
Па выніках такіх сустрэч шмат хто з мазырскіх школьнікаў выказаў надзею, што ўжо ўвосень 2020 года папоўніць шэрагі нашага ўніверсітэта.
Хочацца выказаць асаблівую падзяку адміністрацыям установаў адукацыі г. Мазыра за сардэчны прыём і выдатную арганізацыю прафарыентацыйных сустрэч.
Нашли ошибку? Выделите ее и нажмите Ctrl-Enter