Сустрэча з Міністрам жыллёва-камунальнай гаспадаркі ў БелДУТе

Апублікавана 27.02.2020 16:56

Сустрэча Міністра жыллёва-камунальнай гаспадаркі Рэспублікі Беларусь Церахава Аляксандра Аляксандравіча з калектывам Беларускага дзяржаўнага універсітэта транспарту адбылася 27 лютага 2020 года.

Аляксандр Аляксандравіч – выпускнік будаўнічага факультэта БелДУТ – цяпло пачаў сустрэчу, выказаўшы словы павагі выкладчыкам, якія вучылі яго ў студэнцкія гады, а цяпер прыйшлі ў канферэнц-залу ўніверсітэта, каб азнаёміцца з новымі напрамкамі ў фарміраванні і рэалізацыі дзяржаўнай палітыкі ў жыллёва-камунальнай гаспадарцы і задаць свае пытанні Міністру.

Міністр ЖКГ распавёў пра задачы, пастаўленыя і вырашаемых ЖКГ, аб выкананні Дырэктывы Прэзідэнта Рэспублікі Беларусь № 7 «Аб удасканаленні і развіцці жыллёва-камунальнай гаспадаркі краіны» і Дзяржаўнай праграмы «Камфортнае жыллё і спрыяльнае асяроддзе» на 2016–2020 гады..

Спыніўся на праблемах жыллёва-камунальнага комплексу: арганзацыя водазабеспячэннем пітной якасці, патрэбы ў будаўніцтве станцый абезжалезвання вады, эфектыўнасці сістэмы цеплазабеспячэння – і рэалізацыі мерапрыемстваў, накіраваных на іх рашэнне.

Аляксандр Аляксандравіч акцэнтаваў увагу на неабходнасці новых падыходаў да вырашэння пастаўленых задач. Напрыклад, наданне ўвагі жыццёваму цыклу будынкаў і збудаванняў пры будаўніцтве жылых будынкаў бачыцца больш выгадным і мэтазгодным, чым зніжэнне кошту будаўнічы работ.

Асаблівую ўвагу Міністр надаў праблеме росту аб'ёмаў пахавання і змены складу камунальных адхода.

Пастаўлена задача па павелічэнні ўзроўню здабывання ВМР. Запланавана стварэнне трох комплексных рэгіянальных цэнтраў па абыходжанні з цвёрдымі камунальнымі адходамі – Гомельскі, Жлобінскі, Мазырскі.

Да 2025 года колькасць аб'ектаў пахавання цвёрдых камунальных адходаў павінна быць скарочана да 30.

Прадуктыўнаму супрацоўніцтву з кафедрай «Экалогія і энергаэфектыўнасць у тэхнасферы» БелДУТ, патрэбнасці ў высокакваліфікаваных выпускнікоў спецыяльнасці «Водазабеспячэнне, водаадвядзенне і ахова водных рэсурсаў» прысвяціў Аляксандр Аляксандравіч другую частку свайго выступу.

Дыялог з супрацоўнікамі выпускаючай кафедры і іншых падраздзяленняў працягнуў сустрэчу. Пытанні аб рэалізацыі праектаў навукоўцаў кафедры ў галіне ачысткі сцёкавых вод, працаўладкавання выпускнікоў спецыяльнасці «Энергаэфектыўныя тэхналогіі і энергетычны менеджмент», пра ўжыванне цеплавізійнага сканавання пры інфармацыйным мадэляванні будынкаў, аб адпаведнасці разліковых тэхналогій фізічных параметрах пры праектаванні збудаванняў і кантролі за энергаэфектыўнасцю будынкаў атрымалі вычарпальныя адказы. Міністр выказаў зацікаўленасць і гатоўнасць узаемадзейнічаць як з навукоўцамі кафедры, так і з маладымі спецыялістамі на розных узроўнях – ад міжнародных канферэнцый да абмеркавання праектаў на запланаваных сустрэчах.

Пасля завяршэння сустрэчы Міністр наведаў лабараторыю гідраўлікі універсітэта, якая займае 108 кв. м., дзе была прадэмастравана праца найбольш цікавых лабараторных стэндаў і вымяральнага абсталявання.