Мітап 2 у 1 у Стартап-школе ў БелДУТ

Апублікавана 18.03.2020 14:22

16 сакавіка 2020 года ў стартап-школе БелДУТ адбыўся Мітап 2 у 1, на якім у якасці прамоўцаў выступілі дыпламаваны псіхолаг, прадпрымальнік аўтар тэлепраекта «Хвілінка з псіхолагам», сузаснавальнік акадэміі выхавання «Востраў скарбаў» – Юлія Кукалева, а таксама прадпрымальнік, уладальнік брэнда «Студыя Сінема», аўтар навучальных курсаў, аўтар і вядоўца перадачы «Добрыя стартапы» - Валянцін Кукалеў.

На майстар-класе абмяркоўваліся:

• паняцце маркетынгу і відэамаркетынгу
• чаму трэба ўмець выступаць публічна;
• механіка відэахостынгу;
• што такое брэнд асобы і як яго стварыць;
• як стварыць сваю рэпутацыю ў індустрыі.

У мерапрыемстве ўзялі ўдзел студэнты розных спецыяльнасцяў нашага ўніверсітэта, выкладчыкі, а таксама прадпрымальнікі горада.

Усе заняткі стартап-школы БелДУТ праводзяцца Беларускім дзяржаўным універсітэтам транспарту ў партнёрстве з грамадскім аб’яднаннем «Таварыства садзейнічання інавацыйнаму бізнэсу» (ТСІБ), у межах праекта «Стварэнне ўстойлівай інфраструктуры для падтрымкі развіцця стартапаў і малога бізнесу ў рэгіёнах Беларусі», які рэалізуецца ТСІБ пры падтрымцы Агенцтва ЗША па міжнароднаму развіццю (USAID).

Дзяліцца сваім меркаваннем пра мерапрыемства, а таксама адсочваць мерапрыемствы стартап-школы можна ў сацыяльных сетках: «УКантакце», «Facebook».