Зробім горад прыгажэйшым, а паветра - чысцейшым

Апублікавана 01.04.2020 07:52

• Ідэялагічная і выхаваўчая работа

У працяг распачатай напярэдадні акцыі «Тыдзень лесу» студэнты і выкладчыкі БелДУТ 31 сакавіка 2020 года дапамаглі ЖЭУ Чыгуначнага раёна г.Гомеля зрабіць пасадку бяроз.

Азеляненне падсправаздачных ЖЭУ дваровых тэрыторый праводзілася студэнтамі будаўнічага факультэта і факультэта эканомікі і бізнес-тэхналогій (групы СВ-31 і ГТ-11) пад кіраўніцтвам прарэктара па выхаваўчай рабоце Чаянковай Галіны Міхайлаўны, пры актыўным удзеле дэкана будаўнічага факультэта Бачкарова Дзмітрыя Ігаравіча, а таксама старшага выкладчыка кафедры «Экалогія і энергаэфектыўнасць у тэхнасферы» Ратнікавай Ганны Міхайлаўны і загадчыка лабараторыі названай кафедры Міхальцова Віктара Іванавіча.

фото Гомельские ведомости

Выклікаючы цікавасць жыхароў бліжэйшых дамоў, студэнты весела і актыўна высадзілі 31 дрэва ў адпаведнасці з планам пасадкі.

Студэнты спадзяюцца, што саджанцы ператворацца ў цудоўныя дрэвы, якія зробяць горад яшчэ прыгажэйшым, а паветра – чысцейшым!

Фота: А. М. Ратнікава