Экскурсія па Эрмітажы ў рэжыме анлайн

Апублікавана 21.04.2020 07:47

• Студэнцкае жыццё

Сёння свет не стаіць на месцы, і развіццё новых тэхналогій дазваляе нам здзяйсняць падарожжы і экскурсіі ў рэжыме анлайн ў розныя часткі свету. Сёння вандроўкі і экскурсіі магчымыя ў розныя музеі, на разнастайныя выставы: у Траццякоўскую галерэю, у Эрмітаж, у Луўр і інш.

У выніку бягучага стану вымушанай ізаляцыі ад наведвання музеяў, выставаў, экскурсій, для пашырэння кругагляду студэнтаў гр. ГБ-31 факультэта эканомікі і бізнес-тэхналогій у межах куратарскай гадзіны старшым выкладчыкам Сідаравай Л. Г. была праведзена анлайн-экскурсія ў Эрмітаж

Экскурсіі ў рэжыме анлайн ствараюць эфект прысутнасці гледача ў музеі або галерэі, дазваляюць "убачыць" на свае вочы прыгажосць музейных экспазіцый, пастаяць перад карцінамі і ўвачавідкі ацаніць унікальнасць сусветных шэдэўраў.

Праведзеныя ў рэжыме анлайн экскурсіі па музеях свету спрыяюць не толькі пашырэнню кругагляду студэнтаў і павышэнню ўзроўню іхняй культуры, але і стымулююць іхняе імкненне да спазнання і самаразвіцця.