Вуліцы Гомеля - імёны герояў
- Апублікавана 08.05.2020 09:59
У кожным горадзе Беларусі ёсць вуліцы, якія носяць імёны герояў Вялікай Айчыннай вайны. Нямала такіх вуліц і ў горадзе Гомелі.
Часам мы штодня ходзім па даўно знаёмых вуліцах і нават не задумваемся, а чыім імем яна названая і чаму. Актывісты факультэта "Кіраванне працэсамі перавозак" да 75-годдзя Перамогі вырашылі сабраць інфармацыю пра подзвігі герояў, імёнамі якіх названыя вуліцы абласнога цэнтра.
У выніку праведзенай работы быў аформлены стэнд «У назвах вуліц герояў імёны». Галіна Дакутовіч, Павел Галавачоў, Цімафей Барадзін, Барыс Царыкаў, Уладзімір Каменшчыкаў, Іван Зайцаў - узоры велічы чалавечага духу і волі да перамогі. Ведаць пра герояў, імёнамі якіх названыя вуліцы гарадоў-значыць ведаць гісторыю краіны, у якой ты жывеш, ведаць яе народ.
