Спартыўна-адукацыйны форум для моладзі «Алімпія»
- Апублікавана 04.08.2020 17:18
З 31 ліпеня па 1 жніўня 2020 года прайшоў штогадовы спартыўна-адукацыйны форум для моладзі «Алімпія»!
У складзе каманды «Моладзевая» узяў удзел студэнт БелДУТ, старшыня студэнцкага савета нашага ўніверсітэта Уладзіслаў Пішчык.
Усе ўдзельнікі форуму жылі ў намётах, рыхтавалі і елі ежу ў палявых умовах, удзельнічалі ў спартыўных і творчых мерапрыемствах, спявалі песні ля вогнішча.
У першы дзень форуму прайшоў адкрыты дыялог «Беларусь: учора, сёння, заўтра». Ганаровымі гасцямі сталі намеснік прэм'ер-міністра Рэспублікі Беларусь Ігар Петрышэнка, міністр адукацыі Ігар Карпенка, старшыня Мінскага аблвыканкама Аляксандр Турчын і першы сакратар Цэнтральнага камітэта БРСМ Дзмітрый Варанюк.
На другі дзень удзельнікаў чакала вельмі інтэнсіўная праграма: конкурсы візітовак, бівуакаў, падрыхтоўкі страў, чэмпіянат па сплаве на байдарках, перацягванні каната, футболе, валейболе і інтэлектуальны турнір.
Да завяршэння форуму ўсе сілы былі на зыходзе, але яркія ўражанні дапамаглі забыцца пра стомленасць. Гэтая паездка яшчэ надоўга запомніцца ўсім удзельнікам форуму.
