Гомелю 878 гадоў!

Апублікавана 13.09.2020 08:44

Годам нараджэння горада Гомеля прынята лічыць 1142 год. Ужо ў той час тут былі ўмацаваныя паселішчы Чарнігаўскага княства. Хоць гісторыя гэтых земляў пачалася задоўга да фармавання горада - яшчэ ў VI стагоддзі. А 12 верасня 2020 года ў Гомеля - дзень нараджэння, яму споўнілася 878 гадоў!

На набярэжнай ракі Сож Гомель адзначаў Дзень нараджэння прыгожым святам.

Нашыя студэнты ўсіх факультэтаў бралі ўдзел у яркіх пастаноўках: удзень - на адкрыцці Дня горада і ўвечар - на ўрачыстым канцэрце «Часцінка малой радзімы». Балетмайстар-пастаноўшчык, кіраўнік народнага ансамбля «Палескія зоры» - Ганна Забела.

Кіраўнікі і супрацоўнікі ўніверсітэта, нашыя дзеці і сябры прыйшлі на свята, каб павіншаваць любімы горад і паглядзець ці паўдзельнічаць у яркім, па-сапраўднаму святочным канцэрце.

З Днём Нараджэння, наш Гомель!