Выязныя заняткі

Апублікавана 29.09.2020 08:54

• Мытная справа

Нават самая цікавая лекцыя дасведчанага выкладчыка мае патрэбу ў замацаванні, і лепшы яго спосаб: пачутае – убачыць. Менавіта для гэтых мэтаў выкладчыкамі кафедры «Мытная справа» рэгулярна арганізуюцца выязныя заняткі ў арганізацыі, дзейнасць якіх звязаная з вывучаемымі дысцыплінамі.

14 верасня 2020 года ў межах вывучэння дысцыпліны «ІМ “Знешнеэканамічная дзейнасць”» студэнты трэцяга курса спецыяльнасці «Мытная справа» разам з выкладчыкам кафедры, дацэнтам Калеснікавым А.А. наведалі адно з найбуйнейшых прадпрыемстваў лёгкай прамысловасці ў Гомельскай вобласці і Рэспубліцы Беларусь – ААТ «8 сакавіка».

Важнай асаблівасцю дзейнасці прадпрыемства з’яўляецца тое, што на ім ажыццяўляецца поўны вытворчы ланцужок – ад вытворчасці і афарбоўкі трыкатажнага палатна да вырабу з яго адзення для мужчын, жанчын і дзяцей.

Начальнікам аддзела знешнеэканамічных сувязяў ААТ «8 сакавіка» была арганізавана экскурсія па цэхах, у межах якой студэнтам падрабязна распавялі аб працэсе вытворчасці трыкатажнага адзення і шкарпэткавых-панчошных вырабаў, адказалі на пытанні студэнтаў пра асаблівасці рэалізацыі прадукцыі на знешнім рынку (каля 96% гатовай прадукцыі экспартуецца на рынак Расійскай Федэрацыі); работы на ўнутраным рынку ва ўмовах канкурэнцыі (асноўныя канкурэнты – Conte, MarkFormelle, Брэсцкі панчошна-шкарпэткавы камбінат); асаблівасцях вядзення пераддамоўнай працы, перавагах ажыццяўлення знешнеэканамічнай дзейнасці ў якасці ўпаўнаважанага эканамічнага аператара, парадку ўзаемадзеяння з мытнымі органамі і інш.

16 верасня 2020 года ў межах вывучэння дысцыпліны «Міжнародныя транспартныя і мытна-візавыя сістэмы» дацэнтам кафедры Пятровым-Рудакоўскім А. П. быў арганізаваны выязны занятак для студэнтаў другога курса спецыяльнасці «Мытная справа» ў рачны порт Гомель РТУП «Беларускае рачное параходства». Студэнты пазнаёміліся з гісторыяй порта, ацанілі яго стан і перспектывы ў кантэксце новых напрамкаў развіцця ўнутранага воднага транспарту ў Рэспубліцы Беларусь. Таксама студэнты азнаёміліся са спецыфікай арганізацыі мытнага кантролю ў порце.