Складана, але можна!

Апублікавана 08.11.2021 08:53

26 кастрычніка адбылася II адукацыйная акцыя «Міжнароднае прадпрымальніцкае тэставанне-2021», арганізатарам якой выступіў Міжнародны навукова-адукацыйны праект Інстытут сучаснай адукацыі «SmartSkills».

Мэта правядзення адукацыйнай акцыі заключалася ў павышэнні ўзроўню прадпрымальніцкай і фінансавай граматнасці насельніцтва.

Беларускі дзяржаўны ўніверсітэт транспарту прадстаўляла каманда факультэта кіравання працэсу перавозак пад кіраўніцтвам старэйшага выкладчыка кафедры " Упраўленне аўтамабільнымі перавозкамі і дарожным рухам» Байкочава Міхаіла Анатольевіча.

Студэнтам дадзенага факультэта, які спецыялізуецца на тэхнічных дысцыплінах, было складана супернічаць са студэнтамі іншых навучальных устаноў, у тым ліку гуманітарнага кірунку. Аднак па выніках міжнароднай адукацыйнай акцыі Дыпломам 2 ступені былі ўзнагароджаны студэнткі Літаш У.( УБ-31), Афанасьева А., Рыбкоўская Д. (УА-31), Машурыкава А. (УБ-21).

За высокі ўзровень падрыхтоўкі студэнтаў у дадзенай міжнароднай акцыі арганізацыйным камітэтам быў адзначаны падзячным лістом навуковы кіраўнік Байкачоў М. А.