Прафілактыка супраць злачынстваў у сферы наркаабароту

Апублікавана 22.04.2025 17:21

• Ідэялагічная і выхаваўчая работа

У рамках агульнагарадской акцыі «328=10» участковы інспектар IДН АУС адміністрацыі Чыгуначнага раёна г. Гомеля Струкава Юлія Леанідаўна 22.04.2025 у БелДУТ правяла гутарку на тэму: «Прафілактыка супраць злачынстваў у сферы наркаабароту» з навучэнцамі факультэта эканомікі і бізнес-тэхналогій.

Юлія Віктараўна распавяла студэнтам, што злачынствы ў сферы наркаабароту з'яўляюцца небяспечнымі і трагічнымі.

Матывы, якія падахвочваюць падлеткаў ўжываць, распаўсюджваць наркотыкі, могуць быць сацыяльныя, індывідуальныя і паталагічныя (балючыя).

Індывідуальнымі матывамі падлетка могуць быць простае цікаўнасць; жаданне выпрабаваць задавальненне, адысці ад негатыўных эмоцый і проста пачаць ўжываць, распаўсюджваць наркотыкі ад нуды.

Сацыяльныя матывы падлеткаў – гэта жаданне даказаць аднагодкам, што ты ўсё можаш. Часам падлетак пачынае распаўсюджваць, ужываць наркотыкі пад ціскам і пагрозамі.

Паталагічнымі (балючымі) матывамі з'яўляюцца страта сэнсу жыцця, пратэст, адчуванне сябе лішнім ў жыцці.

А таксама Юлія Віктараўна распавяла пра адказнасць за распаўсюд наркотыкаў і іх ужыванне.

Даведачна: артыкул 328: незаконны абарот наркатычных сродкаў, псіхатропных рэчываў, іх прэкурсораў і аналагаў

Далей участковы інспектар распавяла пра «трафарэтчыкаў» і пра адказнасць.

«Трафарэтчыки» – асобы, якія працуюць на інтэрнэт-краму па збыце наркатычных сродкаў і псіхатропных рэчываў.

Пры дапамозе трафарэта і аэразольнага балончыка наносяць надпісы на сценах будынкаў, прыпынках на якіх паказаны рахунак Інтэрнэт-крамы па продажы наркотыкаў, за такую працу «трафарэтчыкі» ад работніка Інтэрнэт-крамы атрымліваюць грашовую ўзнагароду, або аплату псіхатропам.

Даведачна:

Артыкул 11.3 КабАПРБ за наўмыснае знішчэнне альбо пашкоджанне маёмасці са шкодай у значнай суме прадугледжвае штрафу да 30 базавых адзінак.

Артыкул 218ч.1 КК РБ «Наўмыснае знішчэнне альбо пашкоджанне маёмасці», да 2 гадоў абмежавання волі.

У выпадку, калі высветліцца, што «трафарэтчык» датычны да распаўсюджвання наркотыкаў, яго дзеянні будуць кваліфікаваныя па адпаведнай частцы арт. 328 КК РБ да 25 гадоў пазбаўлення волі.

Участковы інспектар звярнула ўвагу на меры асабістай бяспекі непаўналетніх (у тым ліку: нормы супрацьпажарнай бяспекі, правілы паводзін на вадзе, у лесе, падчас масавых мерапрыемстваў пры навале грамадзян, на аб'ектах чыгуначнага транспарту).

У завяршэнне гутаркі Юлія Леанідаўна заклікала студэнтаў ні ў якім разе не ўступаць у незаконны бізнэс па распаўсюджванню наркотыкаў, не паддавацца на спакусу атрымаць «лёгкія грошы». Наркотыкі ламаюць жыцці адразу мноства людзей-і тых, хто іх прымае, і тых, хто распаўсюджвае.

Педагог сацыяльны
Галіна Драенкова

Фота Валерыя Чэпікава (прэс-служба)