З Днём абаронцаў Айчыны і Узброеных Сіл Рэспублікі Беларусь

Апублікавана 22.02.2022 13:52

Паважаныя ветэраны, афіцэры, курсанты, выкладчыкі, супрацоўнікі і студэнты!

Сардэчна віншую вас з Днём абаронцаў Айчыны і Узброеных Сіл Рэспублікі Беларусь!

Гэта свята людзей мужных, моцных, сапраўдных патрыётаў сваёй краіны. Яно з'яўляецца данінай глыбокай павагі ўсім, хто служыў на карысць Айчыны, нясе баявую вахту цяпер, і тым, хто толькі рыхтуецца ўступіць у рады Узброеных Сіл.

Мужнасць і самаахвярнасць нашых воінаў дапамаглі Айчыне выстаяць у гады самых цяжкіх і суровых выпрабаванняў. І заканамерна мы выказваем самую глыбокую ўдзячнасць воінам усіх пакаленняў за іх ратную працу, надзейную абарону сваёй краіны, магчымасць спакойна жыць і працаваць.

Верныя традыцыям старэйшых пакаленняў, спадкаемцы пераможцаў сёння надзейна ахоўваюць межы сваёй Радзімы, гарантуючы нашаму народу права на будучыню, мірнае жыццё.

Наша агульная задача – захаваць слаўныя ратныя традыцыі, памножыць сілу і магутнасць Радзімы, стварыць умовы для яе далейшага развіцця і ўмацавання аўтарытэту.

Шчыра жадаю ўсім моцнага здароўя, шчасця, дабрабыту, бадзёрасці духу, новых перамог і дасягненняў на карысць Айчыны.

Рэктар універсітэта
доктар фізіка-матэматычных навук
Ю.І. КУЛАЖАНКА