Цэнтр інфармацыйных сістэм і тэхнічнага забеспячэння (Вылічальны цэнтр)

Гісторыя

Вылічальны цэнтр створаны ў студзені 1984 года на базе лабараторыі "Вылічальная тэхніка". Першым начальнікам вылічальнага цэнтра (ВЦ) быў Дабрасельскі В. Б. (студзень 1984-Люты 1988 гг.). У далейшым начальнікамі былі Нафтольскі М. В. (люты 1988-ліпень 1994 гг.), Еўтухоў В. С. (ліпень 1994-люты 1998 гг.). З лютага 1998 года з'яўляецца начальнікам
Рычкоў А. В.

Асноўная задача ВЦ складалася ў тым, каб забяспечыць абслугоўванне вылічальнай тэхнікі, што задзейнічана ў навучальным працэсе і навукова-даследчай працы.

Першапачаткова ВЦ меў адну ЭВМ «ЕС-1022», пяць «Наіры-К» і адну «Наіры-АСК». Дзякуючы сталаму клопату рэктарата аб аўтаматызацыі вучэбнай і навуковай працы і дапамозе з боку міністра шляхоў зносін СССР і Беларускай чыгункі ад году ў год цэнтр абсталёўваўся новымі ЭВМ.

З 1988 года пачынаецца працэс пераабсталявання ВЦ сучаснымі на той момант сродкамі вылічальнай тэхнікі.

У перыяд з 1988 па 1994 гг. у ВЦ паступіла дзве ЭВМ "ЕС-1036" і адна "СМ-1420". Працягнуліся таксама работы і па ўкараненні ў навучальны працэс дысплейных класаў на базе персанальных ЭВМ. Увосень 1994 года Беларуская чыгунка набыла для ўніверсітэта 40 персанальных камп’ютараў. Да пачатку 1998 года на ВЦ выкарыстоўваліся толькі персанальныя камп’ютары.

З лістапада 1994 года Інстытут павышэння кваліфікацыі пры БелДУТ на базе ВЦ адкрыў курсы па вывучэнні і прымяненні персанальных камп’ютараў. На працягу 5 гадоў было падрыхтавана больш за 600 чалавек па праграме «Персанальныя ЭВМ».

У 1997 годзе рэктаратам была пастаўлена задача стварыць лакальную вылічальную сетку ўніверсітэта. Супрацоўнікі ВЦ на працягу трох месяцаў правялі работы па праектаванні і мантажы сеткі. Асноўная мэта – забеспячэнне навучальнага працэсу сучаснымі праграмнымі прадуктамі і тэхнічнымі сродкамі.

Толькі за 2001-2002 гады ва ўніверсітэце было набыта 160 персанальных камп’ютараў, 61 прынтар, 6 ксераксаў.

У 2003 годзе ў навуковым, навучальным і кіраўнічым працэсах было задзейнічана больш за 427 камп’ютараў, 275 з іх былі аб'яднаны ў лакальную сетку. У навучальным працэсе выкарыстоўвалася 20 сеткавых камп'ютарных класаў, дзе праводзіліся заняткі са студэнтамі.

З 2010 па 2011 гг. праходзіў працэс мантажу валаконна-аптычных ліній сувязі (ВАЛС). Было пракладзена парадку 8000 м кабелю з аптычным валакном. Падключана неабходнае актыўнае сеткавае абсталяванне. Гэта дазволіла аб'яднаць навучальныя карпусы ўніверсітэта ў адзіную Лакальна-вылічальную сетку з хуткасцю перадачы дадзеных 1 Гб/с. У выпадку ўзнікнення неабходнасці хуткасць перадачы дадзеных па ВАЛС можа быць павялічана шляхам замены актыўнага абсталявання.

Да 2018 годзе ў навуковым, навучальным і кіраўнічым працэсах задзейнічана больш за 1000 камп’ютараў, большасць з якіх аб'яднаны ў лакальную сетку. Хуткасць абмену дадзенымі ва ўнутранай сетцы – 1Гб/с. У навучальным працэсе выкарыстоўваецца 30 сеткавых камп'ютарных класаў, аснашчаных сучасным абсталяваннем, у якіх праводзяцца заняткі са студэнтамі і слухачамі ІПК. Універсітэт мае доступ да сеткі Інтэрнэт. (2 канала: 60 Мб і 80 Мб).

Сучаснае сеткавае абсталяванне

Сучаснае сервернае абсталяванне

Ва ўніверсітэце маюцца 8 Wi-Fi кропак доступу:

1. Вестыбюль корпуса № 1;
2. Вестыбюль корпуса № 4;
3. Кавярня "Вялікая перамена";
4. Чытальная зала тэхнічнай літаратуры (аўд. 1504);
5. Чытальная зала гуманітарнай літаратуры (аўд. 244);
6. ІПК (аўд. 293);
7. Студэнцкая сталоўка;
8. Інтэрнат № 4. 2-й паверх (слухачы ІПК).

У цяперашні час ВЦ ажыццяўляе інфармацыйна-тэхнічную падтрымку адукацыйнага працэсу, навукова-даследчай, адміністрацыйна-кіраўніцкай дзейнасці ўніверсітэта на базе сучасных інфармацыйных тэхналогій.