Гісторыя кафедры пачалася ў 1960 г., калі кафедра «Прамысловыя і грамадзянскія збудаванні» вылучылася са складу кафедры «Будаўнічыя работы, матэрыялы і вырабы», якой кіраваў з 1955 г. к.т.н., дацэнт Моллат А.Г. Узначальвалі кафедру дацэнты Ждановіч В.Ф. (1960-1965), Ташкiнаў Г.А. (1965-1975), Ягораў М.М. (1975-1985), Чубукоў В.М. (1985-1991). З 1991 па 2008 гг. кафедрай кіраваў прафесар Малкаў І.Г. У 1999 годзе кафедра «Прамысловыя і грамадзянскія збудаванні» (ПГЗ) перайменавана ў кафедру «Архітэктура прамысловых і грамадзянскіх збудаванняў» (АПГЗ). Далейшае развіццё спецыяльнасці «Архітэктура» прывяло да падзелу ў 2008 г. кафедры «АПГЗ» на кафедры «Архітэктура» і «ПГЗ». З гэтага часу і да 2018 г. кафедрай кіравалі доктар архітэктуры, прафесар Малкаў І.Г. (кафедра «Архітэктура») і к.т.н., дацэнт Васільеў А.А. (кафедра «ПГЗ»).
У 2018 г. адбылася аб'яднанне названых вышэй кафедраў ў адну - кафедру «Архітэктура і будаўніцтва». Узначаліў аб'яднаную кафедру доктар архітэктуры, прафесар Малкаў І.Г.
Кафедра нястомна вядзе працу па пашырэнні наменклатуры выкладаемых дысцыплін і адкрыцця новых спецыяльнасцяў і спецыялізацый. У перыяд 1995-1997 гг. і 2007-2008 гг. кафедры была выкананая вялікая падрыхтоўчая праца па адкрыцці на факультэце «Прамысловае і грамадзянскае будаўніцтва» новых спецыяльнасцяў «Архітэктура» і «Экспэртыза і кіраванне нерухомасцю». У 1999 годзе быў выраблены першы набор студэнтаў на спецыяльнасць «Архітэктура», а ў 2008 годзе на спецыяльнасць «Экспэртыза і кіраванне нерухомасцю».
З 2009 года кафедра ПГЗ рыхтуе магістрантаў па спецыяльнасцях «Архітэктура» і «Будаўніцтва». Пры кафедры ў 1997 годзе адкрыта аспірантура па спецыяльнасці «Архітэктура», а з 2011 года рыхтуе аспірантаў па спецыяльнасці «Будаўнічыя канструкцыі, будынкі і збудаванні», якая дазваляе рыхтаваць у сценах універсітэта навуковых работнікаў для папаўнення выкладчыцкага саставу з выпускнікоў БелДУТа.
Загадчык кафедры доктар архітэктуры прафесар Малкаў І.Г., а таксама выкладчыкі і супрацоўнікі шматразова ўзнагароджваліся ганаровымі граматамі і дыпломамі міжнароднага ўзору за навуковую і педагагічную дзейнасць.
