Экскурсія ў пагранічную камендатуру «Лоеў»
- Апублікавана 19.07.2022 08:35
У 2019 годзе ў нашай краіне была прынята Канцэпцыя інтэграванага кіравання Дзяржаўнай граніцай Рэспублікі Беларусь.
У якасці ейных мэтаў вызначана павышэнне эфектыўнасці дзяржаўнай дзейнасці, накіраванай на супрацьдзеянне пагранічным небяспекам, гарманізацыю правілаў (стандартаў), якія паскараюць пропуск фізічных асобаў, транспартных сродкаў і тавараў праз Дзяржаўную граніцу Рэспублікі Беларусь. Само інтэграванае кіраванне дзяржаўнай граніцай уяўляе сабой мэтанакіраваную, скаардынаваную на ўнутрыведамасным, міжведамасным і міжнародным узроўнях дзейнасць паўнамоцных дзяржаўных органаў па забеспячэнні збалансаванага развіцця бар’ернай і кантактнай функцый дзяржаўнай граніцы. Асноўнымі дзяржаўнымі органамі, якія ўдзельнічаюць у дасягненні мэтаў дадзенай канцэпцыі, з’яўляюцца органы пагранічнай службы і мытныя органы, якія ажыццяўляюць пагранічны і мытны кантроль у пунктах пропуску праз дзяржаўную (мытную) граніцу.
З улікам гэтага, у межах вучэбна-азнаямленчай практыкі для студэнтаў першага курса спецыяльнасці «Мытная справа» 13 ліпеня 2022 года была арганізавана экскурсія ў пагранічную камендатуру «Лоеў». Асноўнай задачай экскурсіі з’явілася азнаямленне з працай органаў пагранічнай службы і спецыфікай іхніх задач у межах узаемадзеяння мытнай і пагарнічных службаў для забеспячэння інтэграванага кіравання Дзяржаўнай граніцай.
Студэнты прыбылі ў пагранічную камендатуру «Лоеў» ў суправаджэнні загадчыцы кафедры В.М. Шэстак, старшага выкладчыка В.В. Пуцята, і куратара групы А.П. Пятрова-Рудакоўскага.
Экскурсія пачалася з азнаямлення з гісторыяй фарміравання Гомельскай пагранічнай групы.
Таксама ўспомнілі пра подзвіг часоў Вялікай Айчыннай вайны Героя Савецкага Саюза Мікалая Цімафеевіча Сушанава.
Затым госці азнаёміліся з асаблівасцямі нясення службы ў камэндатуры, арганізацыі побыту, відамі тэхнікі, якія выкарыстоўваюцца для аховы граніцы.
Асаблівую цікавасць студэнтаў выклікаў гадавальнік службовых сабак і праца кінолага. Тут была магчымасць убачыць, у чым заключаюцца адрозненні ў падрыхтоўцы службовых сабак у мытнай і пагранічнай службах.
Затым госці накіраваліся на стаянку катараў.
Там яны азнаёміліся з рознымі відамі плавальных сродкаў берагавой аховы пагранічнай службы.
Выказваем падзяку за арганізацыю і правядзенне мерапрыемства начальніку аддзела ідэалагічнай работы Гомельскай пагранічнай групы падпалкоўніку Смагіну Аляксею Ігаравічу і камандзіру звяна пагранічных судоў аддзялення берагавой аховы пагранічнай камендатуры «Лоеў» старшаму лейтэнанту Кіслюку Алегу Юр’евічу.
Матэрыял падрыхтаваў дацэнт кафедры
«Мытная справа» А. П. Пятроў-Рудакоўскі
Нашли ошибку? Выделите ее и нажмите Ctrl-Enter