Захаваць мір, захоўваючы памяць пра сваіх продкаў-герояў

Апублікавана 15.09.2023 15:00

На Алеі Герояў кіраўнікі, студэнты і курсанты БелДУТа разам з кіраўніцтвам горада і ўдзельнікамі праекта «Автопоезд #Беларусь.Молодежь.Созидание» ўшанавалі памяць вызваліцеляў у гады Вялікай Айчыннай вайны, усклалі кветкі да манумента.

Алея складаецца з 41 помніка ў гонар герояў Савецкага Саюза, якія прымалі ўдзел у вызваленні Гомеля. Бетонныя калоны, злучаныя аркай, сталі часткай мемарыяла воінам-удзельнікам абароны Гомеля ў жніўні 1941 года, партызанам, падпольшчыкам, а таксама тым, хто прынёс у лістападзе 1943-га ў горад доўгачаканую свабоду. Усе яны ў гады вайны аддалі сваё жыццё за цяперашняе мірнае жыццё беларускага народа.

Захаваць мір, захоўваючы памяць пра сваіх продкаў-герояў, – галоўная задача сучаснай моладзі.

Фото Елены Белоус