Адпрацоўка навыкаў аказання першай медыцынскай дапамогі і асновы тактычнай медыцыны

Апублікавана 08.05.2024 09:35

Штогод у маі, напярэдадні Дня Перамогі, мы ўспамінаем пра тое, якой цаной даецца мір на зямлі, якія жахі, разбурэнні, беды і пакуты прыносяць ваенныя канфлікты.

Пасляваенныя пакаленні памятаюць галоўную ісціну: трэба зрабіць усё, каб такое больш ніколі і нідзе не паўтарылася.

Але пры гэтым са старажытных часоў вядомая і іншая ісціна: хочаш міру – рыхтуйся да вайны.

Гэтая падрыхтоўка абавязкова павінна ўключаць, у ліку іншага, адпрацоўку навыкаў аказання першай медыцынскай дапамогі.

Так, на практычным занятку па дысцыпліне «Нацыянальная бяспека» у рамках вывучэння тэмаў «Ваенная бяспека» і «Пагранічная бяспека» 07 мая 2024 года дацэнтам кафедры «Мытная справа» А.П. Пятровым-Рудакоўскім было арганізавана вывучэнне асноў тактычнай медыцыны і адпрацоўка навыкаў аказання першай медыцынскай дапамогі ў баявых умовах.

Для правядзення гэтага занятку быў запрошаны начальнік медыцынскага пункта Гомельскай пагранічнай групы, маёр медыцынскай службы Чуйко Мікалай Віктаравіч.

Студэнты вывучылі тэарэтычныя асновы аказання першай медыцынскай дапамогі, віды рыштункаў і сродкаў тактычнай медыцыны, камплектацыю ваенна-медыцынскіх заплечнікаў і падсумкаў, адпрацавалі прыёмы спынення вянозных і артэрыяльных крывацёкаў пры дапамозе жгута. Таксама былі зададзены пытанні, якія тычацца аказання медыцынскай дапамогі ў розных нестандартных сітуацыях.

Кафедра «Мытная справа» дзякуе Мікалаю Віктаравічу і кіраўніцтву Гомельскай памежнай групы за аказанае садзейнічанне і спадзяецца на далейшае супрацоўніцтва.