Свята захоўваючы памяць, захоўваем самае святое - мір

Апублікавана 26.11.2024 08:01

• Ідэялагічная і выхаваўчая работа

Да помніка воінам-вызваліцелям на плошчы Паўстання ўдзельнікі мітынгу ўсклалі кветкі ў знак глыбокай павагі перад подзвігам герояў і бязмернай падзякі за выратаваны горад Гомель і ўсю краіну.

Кіраўнікі, студэнты, курсанты БелДУТ прынялі ўдзел у мітынгу на плошчы Паўстання.

Мітынг-рэквіем прайшоў у звінячай, па-зімоваму халоднай, ціхай смутку.

У 1941-1943 гадах на гэтай плошчы размяшчаўся Цэнтральны перасыльны лагер для савецкіх ваеннапалонных «Дулаг-121». Ён спыніў сваё жахлівае існаванне незадоўга да вызвалення Гомеля - 10 кастрычніка 1943 г.

За час існавання лагера акупантамі знішчана больш за 100 тысяч ваеннапалонных, якіх хавалі ў рове былога ціра на тэрыторыі лагера; у супрацьтанкавым рове, які знаходзіўся каля клінкернага завода; у спецыяльна прыгатаваных ямах на тэрыторыі лагера; у супрацьтанкавым рове на 201-м кіламетры чыгуначнай лініі Гомель – Жлобін; у ямах каля элеватара і іншых месцах. У перыяд высокай смяротнасці сярод ваеннапалонных зімой 1941-1942 года акупанты не паспявалі вывозіць з лагера памерлых, хавалі і спальвалі на месцы. Магілы звыш 90 тысяч ваеннапалонных выяўленыя і пацверджаныя раскопкамі. Пра лёс астатніх яшчэ трэба будзе даведацца.

Цяпер, калі Гомель даўно адноўлены і становіцца ўсё больш прыгожым, Плошча Паўстання стала сапраўдным сімвалам памяці. Танк Т - 34 апраўлены падсветкай, якая толькі падкрэслівае моц і ўрачыстасць. Па перыметры плошчы і ў скверах устаноўлены лаўкі, з'явілася Алея Зорак, высаджаны чырвоныя клёны.

Ля памятнага знака ахвярам генацыду беларускага народа ў гады Вялікай Айчыннай вайны «Дрэва жыцця» побач з кошыкам кветак былі запаленыя лампадкі, якія сімвалізуюць наша абяцанне продкам - памятаць.

Прэс-служба