Канцэрт «Салют Перамогi» - патрыятычны акорд «Эстафеты Перамогi» у Гомелi
- Апублікавана 04.02.2025 08:54
3 лютага горад Гомель урачыста сустрэў міжнародную «Эстафету Перамогі», прысвечаную 80-годдзю Перамогі савецкага народа ў Вялікай Айчыннай вайне.
Эстафета стартавала ў мемарыяльным комплексе «Брэсцкая крэпасць-герой» 2 лютага. Яна праходзіць уздоўж знешніх межаў дзяржаў-удзельніц Садружнасці Незалежных Дзяржаў і закліканая захаваць гістарычную памяць пра подзвіг нашых дзядоў і прадзедаў.
У кожным пункце прызначэння памежнікі перадаюць сімвалічны знак»Эстафеты Перамогі". У нашым горадзе ён быў прыняты Гомельскай памежнай групай каля мемарыяла «Вечны агонь».
Патрыятычныя мерапрыемствы ў г. Гомелі завяршыў канцэрт «Салют перамогі» ў гарадскім Цэнтры культуры.
Выкладчыкі, студэнты, супрацоўнікі БелДУТ, намеснікі дэканаў факультэтаў па IВР разам з прарэктарам па IВР С. М. Васільевым прынялі ўдзел у гэтай урачыстай сустрэчы людзей розных пакаленняў.
- Творчыя нумары заслужанага калектыву Рэспублікі Беларусь Інстытута пагранічнай службы сталі яркім, патрыятычным акордам, сімвалічным салютам, які традыцыйна завяршае святы, прысвечаныя Вялікай Перамозе. На экспазіцыях, размешчаных у холе ГЦК, сустракаліся цудоўныя экспанаты, якія ілюструюць Подзвіг савецкага народа падчас Вялікай Айчыннай вайны, і гэтыя экспанаты захоўваюць Гомельскія школьныя музеі, - падзяліліся ўражаннямі супрацоўнікі нашага ўніверсітэта.
Таццяна Модзiна (прэс-служба)
Фота прарэктара па IВР
С.М. Васiльева