Як падрыхтавацца і паспяхова здаць іспыт
- Апублікавана 18.06.2019 13:17
Як падрыхтавацца і паспяхова здаць іспыт
- Рыхтавацца да іспыту варта на працягу ўсяго семестра, паступова складаючы кароткія адказы на экзаменацыйныя пытанні. Усё, незразумелае для вас, можна разабраць на семінары ці непасрэдна спытаць у выкладчыка на кансультацыі перад іспытам. Падрыхтоўка на працягу семестра зэканоміць Вам час і звядзе да мінімуму хваляванне ў перыяд сесіі.
- Перш чым пачынаць рыхтавацца да іспыту - абсталюйце сваё працоўнае месца (прыбярыце ўсе лішнія рэчы, стварыце камфортныя ўмовы для працы).
- Пошук матэрыялу для падрыхтоўкі да іспыту варта пачынаць у кнігах, рэкамендаваных выкладчыкам у пачатку семестра. Выкладчыку лягчэй будзе арыентавацца ў логіцы вашага адказу, што знізіць колькасць дадатковых пытанняў.
- Прыступаючы да падрыхтоўкі, карысна скласці план. Размяркуеце час, падзяліўшы яго на колькасць пытанняў + рэзерв. Апошні дзень перад iспытам пакіньце на паўтарэнне і адпачынак.
- Складайце план на дзень. Не варта складаць "завоблачных" планаў, яны павінны быць рэалізуемымі. У залежнасці ад таго, хто Вы - "сава" ці "жаўрук", максімальна загрузіце другую ці першую палову дня.
- План павінен адлюстроўваць пералік пытанняў, якія Вы жадаеце падрыхтаваць. Таксама пакіньце час на харчаванне, сон і фізічную актыўнасць. Для таго, каб матэрыял лепш засвойваўся, неабходна, каб арганізм быў адпачылым, таму на сне не ў якім разе нельга эканоміць.
- Псіхолагі рэкамендуюць у дні падрыхтоўкі 1-1,5 гадзіны спаць днём. Перад сном можна паўтарыць найбольш складаны матэрыял.
- Пачынаць падрыхтоўку неабходна з самых цяжкіх пытанняў, якія Вы запланавалі на дзень, так як арганізм яшчэ не стаміўся і матэрыял лягчэй засвоіцца. Калі ж Вы ніяк не можаце засяродзіцца на вучобе, то перайдзіце да лёгкіх пытаннях, гэта дазволіць Вам ўключыцца ў працу.
- Падчас падрыхтоўкі да іспыту складайце структуру вашага адказу на экзаменацыйнае пытанне (у апошні дзень перад iспытам Вам лягчэй будзе праглядзець усе пытанні). Калі iспыт вусны - карысна прамаўляць услых вывучаны матэрыял.
- Не імкніцеся вызубрыць матэрыял - Ваша задача зразумець яго!
- Не варта займацца па шмат гадзін без перапынкаў. Лепш вучыць блокамі - засвоіў тэму, замацаваў яе - і адпачыў. Затым коратка паўтарыў, што завучыў, і - за новую тэму.
- Праз кожныя 50 хвілін сканцэнтраванай працы адпачывайце 10 хвілін. Чаргуйце разумовую і фізічную дзейнасць. Пакіньце 1-2 вялікіх гадзінных перапынкаў для прагулак на свежым паветры.
- Паўнацэнна сілкуйцеся (4-5 раз у дзень невялікімі порцыямі). Стымуляваць працу мозгу дапамагае ежа, багатая бялкамі (мяса, рыба і г.д.).
- Звядзіце да мінімуму прыём узбуджальных напояў (кава, моцны чай) і цыгарэт.
- Лепш устрымацца ад ужывання заспакойлівых сродкаў і медыкаментаў, так як рэакцыя арганізма на фоне стомленасці і стрэсу можа быць непрадказальная і выклікаць зваротную рэакцыю (дрымотнасць, туман у галаве, безуважлівасць і г.д.).
Дзень перад iспытам
- Паўтарыце адказы на экзаменацыйныя пытанні, выкарыстоўваючы падрыхтаваную ў працэсе вучобы структуру адказу.
- Калі ў Вас дастаткова засталося часу пасля паўтарэння ўсіх пытанняў, Вы можаце зладзіць "рэпетыцыю" iспыту. Для гэтага напішыце нумары пытанняў на лістку паперы і, выцягнуўшы любое пытанне, паспрабуйце адказаць так, як Вы б адказвалі на яго на iспыце.
- Перад сном рэкамендуецца прагуляцца па свежым паветры пару гадзін.
- З вечара складзiце рэчы, якія Вам будуць неабходныя на iспыце (ручкі, папера, канспекты і г.д.), а таксама прадумайце і падрыхтуйце вопратку, у якой Вы пойдзеце на iспыт. Лепш выбіраць вопратку светлых пастэльных тонаў, аддаючы перавагу дзелавому стылю адзення (пазбягайце занадта яркіх тонаў і вялікай колькасці аксесуараў).
- Напярэдадні іспыту кладзецеся спаць рана, каб на iспыце Вы адчувалі сябе адпачылым і актыўным.
- На iспыт варта прыязджаць загадзя, каб не хвалявацца аб сваім магчымым спазненні і мець магчымасць перад іспытам трохі супакоіцца і прыйсці ў працоўны стан.
У час іспыту
Студэнты групы СЭ -31 падчас іспыту па дысцыпліне «Вытворчасць, транспарт і спажыванне цеплавой энергіі»
- Перш за ўсё, не забудзьцеся павітацца, усміхнуцца і спакойна сустракайце погляд выкладчыка.
- Выцягнуўшы квіток, спакойна паведаміце нумар, не чытаючы экзаменацыйных пытанняў.
- Пасля таго, як Вы селі на месца падрыхтоўкі і супакоіліся, прачытайце ўважліва пытанні.
- Для таго, каб час не праляцеў незаўважна, пакладзіце перад сабой гадзіннiк і падлічыце прыблізна, колькі ў Вас ёсць часу на кожнае пытанне (улічваючы складанасць пытання).
- Не хвалюйцеся, калі Вам здаецца, што Вы нічога не памятаеце. Пачынайце з таго пытання, якое ведаеце. Пры падрыхтоўцы да адказу на яго Вы падсвядома будзеце узгадваць астатнія пытанні.
- Фіксуйце самае асноўнае на бланку, складзіце план свайго адказу (структуру), пакідаючы месца для інфармацыі, якую Вы ўспомніце пазней (прыклады, дадатковая інфармацыя).
- Пасля таго, як Вы напісалі свой білет цалкам, прачытайце адказы на пытанні, каб як мага менш звяртацца да бланку падчас адказу экзаменатару.
- Адзначайце любімыя словы і выразы выкладчыка і паспрабуйце ўстаўляць іх у адказ.
- На iспыце дэманструйце упэўненасць у сабе і павагу да суразмоўцы.
Студэнты групы СЭ -31 падчас іспыту па дысцыпліне «Вытворчасць, транспарт і спажыванне цеплавой энергіі»
10. Настройцеся на перамогу!
